പഹല്ഗാം ഭീകാരാക്രമണത്തിന്റെ പശ്ചാത്തലത്തില് പാക്കിസ്ഥാനുമായുള്ള വ്യാപാര ബന്ധം പൂര്ണമായും അവസാനിപ്പിക്കാന് ഇന്ത്യ. പാക്കിസ്ഥാനുമായുള്ള വ്യാപാരം പൂര്ണമായും നിര്ത്തിവെക്കാനാണ് തീരുമാനമെന്ന് രാജ്യത്തെ പ്രമുഖ വ്യാപാര സംഘടനായ കോണ്ഫെഡറേഷന് ഓഫ് ഓള് ഇന്ത്യ ട്രേഡേഴ്സ് (സിഎഐടി) തീരുമാനിച്ചു.
കഴിഞ്ഞ ദിവസം ഒഡീഷയില് ചേര്ന്ന യോഗത്തിലാണ് ഒറ്റ സ്വരത്തില് വ്യാപാരികള് തീരുമാനം കൈക്കൊണ്ടത്. 200ലധികം ട്രേഡ് നേതാക്കള് യോഗത്തില് പങ്കെടുത്തിരുന്നു. പാക്കിസ്ഥാനില് നിന്നുള്ള എല്ലാ ഇറക്കുമതിയും അങ്ങോട്ടുള്ള കയറ്റുമതിയും നിര്ത്തിവെക്കാനാണ് തീരുമാനമെന്ന് സിഎഐടി സെക്രട്ടറി ജനറലും എംപിയുമായ പ്രവീന് ഖന്ദേല്വാല് വ്യക്തമാക്കി. ഭീകരതയ്ക്കെതിരായുള്ള പോരാട്ടത്തില് പ്രധാനമന്ത്രിക്ക് എല്ലാ പിന്തുണയും നല്കുന്നതായും അദ്ദേഹം പറഞ്ഞു.
2018ല് ഇരുരാജ്യങ്ങളും തമ്മിലുള്ള വ്യാപാരം 3 ബില്യണ് ഡോളറിന്റേതായിരുന്നു. ഇത് 2024 ആയപ്പോഴേക്കും 1.2 ബില്യണ് ഡോളറായി കുറഞ്ഞു.
ശോഷിക്കുന്ന വ്യാപാരം
2019ലെ പുല്വാമ ഭീകരാക്രമണത്തിന് ശേഷം പാക്കിസ്ഥാനുമായുള്ള വ്യാപാരത്തില് അത്ര വലിയ താല്പ്പര്യം ഇന്ത്യ എടുത്തിട്ടില്ല. 2018ല് ഇരുരാജ്യങ്ങളും തമ്മിലുള്ള വ്യാപാരം 3 ബില്യണ് ഡോളറിന്റേതായിരുന്നു. ഇത് 2024 ആയപ്പോഴേക്കും 1.2 ബില്യണ് ഡോളറായി കുറഞ്ഞു.
2024 ഏപ്രിലിനും 2025 ജനുവരിക്കും ഇടയില് ഇന്ത്യ പാക്കിസ്ഥാനിലേക്ക് കയറ്റി അയച്ചത് 500 മില്യണ് ഡോളറിന്റെ ഉല്പ്പന്നങ്ങളാണ്. ഫാര്മ ഉല്പ്പന്നങ്ങള്, കെമിക്കല്സ്, പഞ്ചസാര, ഓട്ടോ പാര്ട്സ് തുടങ്ങിയവയാണ് പാക്കിസ്ഥാനിലേക്ക് ഇന്ത്യ കയറ്റി അയക്കുന്ന പ്രധാന ഉല്പ്പന്നങ്ങള്. അതേസമയം ഇതേ കാലയളവില് കേവലം .42 മില്യണ് ഡോളറിന്റെ ഉല്പ്പന്നങ്ങള് മാത്രമാണ് ഇന്ത്യ ഇറക്കുമതി ചെയ്തത്.
