ന്യൂഡൽഹി: ഇസ്ലാം നിലനിൽക്കുന്നിടത്തോളം കാലം തീവ്രവാദം നിലനിൽക്കുമെന്ന് ബംഗ്ലാദേശി എഴുത്തുകാരി തസ്ലീമ നസ്രീൻ.
ഡൽഹി സാഹിത്യോത്സവത്തിൽ സംസാരിക്കവെ, പഹൽഗാം ഭീകരാക്രമണത്തെയും 2016-ൽ ധാക്കയിൽ നടന്ന ഭീകരാക്രമണത്തെയും താരതമ്യം ചെയ്തുകൊണ്ടാണ് അവർ ഇങ്ങിനെ പറഞ്ഞത്.
“കഴിഞ്ഞ 1,400 വർഷമായി ഇസ്ലാം പരിണമിച്ചിട്ടില്ല. അത് പരിണമിക്കുന്നത് വരെ തീവ്രവാദികളെ വളർത്തും. 2016-ലെ ധാക്ക ആക്രമണത്തിൽ, കലിമ ചൊല്ലാത്തതിന്റെ പേരിൽ ആളുകൾ കൊല്ലപ്പെട്ടു. നമ്മുടെ വിശ്വാസം യുക്തിയെയും മനുഷ്യത്വത്തെയും മറികടക്കുമ്പോൾ ഇതാണ് സംഭവിക്കുന്നതെന്ന് അവർ പറഞ്ഞു.
യൂറോപ്പിലെ പള്ളികൾ മ്യൂസിയങ്ങളായി മാറുമ്പോൾ, മുസ്ലീങ്ങൾ എല്ലായിടത്തും പള്ളികൾ പണിയുന്ന തിരക്കിലാണ്. ആയിരക്കണക്കിന് പള്ളികൾ ഇതിനകം നിർമ്മിക്കപ്പെട്ടിട്ടുണ്ടെങ്കിലും,ഇനിയും കൂടുതൽ പള്ളികൾ നിർമ്മിക്കപ്പെടുന്നുണ്ട്.
ഇത് കൂടുതൽ ജിഹാദികളെ നിർമ്മിക്കും. മദ്രസകൾ ഉണ്ടാകരുത്. കുട്ടികൾ ഒരു പുസ്തകം മാത്രം വായിക്കരുത്, മറിച്ച് എല്ലാ പുസ്തകങ്ങളും വായിക്കണം” അവർ പറഞ്ഞു
ദൈവനിന്ദ ആരോപണത്തെ തുടർന്ന് 1994 മുതൽ സ്വീഡൻ, യുഎസ്, ഇന്ത്യ എന്നിവിടങ്ങളിൽ പ്രവാസിയായി കഴിയുകയാണ് തസ്ലീമ നസ്രിൻ.
