ഭുവനേശ്വർ: 500 ന്റെ നോട്ടുകെട്ടുകൾ ജനാലയിലൂടെ വലിച്ചറിഞ്ഞ് വിജിലൻസ് റെയ്ഡിൽ നിന്നും രക്ഷപ്പെടാൻ ശ്രമം. ഒഡിഷ ഗ്രാമവികസന വകുപ്പിലെ ചീഫ് എഞ്ചിനീയർ ബൈകുന്ത നാഥ് സാരംഗിയാണ് ‘വ്യത്യസ്ത അടവ്’ പ്രയോഗിച്ചത്. എന്നാൽ വലിച്ചെറിഞ്ഞ നോട്ടുകെട്ടുകൾ പിന്നീട് സാക്ഷികളുടെ സാന്നിധ്യത്തിൽ വിജിലൻസ് സംഘം പിടിച്ചെടുത്തു.
വരുമാനത്തിൽ കവിഞ്ഞ് സ്വത്ത് സമ്പാദിച്ചെന്ന ആരോപണത്തെ തുടർന്നാണ് സാംരംഗിയുടെ ഭുവനേശ്വറിലെ ഫ്ലാറ്റിൽ വിജിലൻസ് സംഘം പരിശോധന നടത്തിയത്. അംഗുലിലെ വസതിയിൽ നിന്ന് 1.1 കോടി രൂപയും ഭുവനേശ്വറിലെ ഫ്ലാറ്റിൽ നിന്ന് ഒരു കോടി രൂപയും കണ്ടെടുത്തു. നോട്ടുകൾ എണ്ണിതിട്ടപ്പെടുത്താൻ തന്നെ മണിക്കൂറുകൾ എടുത്തെന്നാണ് വിവരം. നോട്ടുമഴയുടെയും എണ്ണിതിട്ടപ്പെടുത്തുന്നതിന്റെയും വീഡിയോയും വിജിലൻസ് പുറത്തു വിട്ടിട്ടുണ്ട്.
Today , on the allegation of possession of disp. assets by Sri Baikuntha Nath Sarangi, Chief Engineer, RW Division, Odisha, house searches are on by #Odisha #Vigilance at 7 locations. Approx Rs 2.1 Crore cash recovered so far from his house at Bhubaneswar (1 Cr) & Angul (1.1 Cr). pic.twitter.com/j0H344OiqA
— Odisha Vigilance (@OdishaVigilance) May 30, 2025
