ലഹരിയുടെ ആലസ്യത്തിലോ മാനസിക വ്യഥയിലോ തകർന്നിരുന്നാൽ എന്തൊക്കെ ചെയ്യാം ! കാർ വേണമെങ്കിൽ റെയിൽവേ ട്രാക്കിലൂടെ ഓടിക്കാം. അത്തരത്തിലൊരു സാഹസമാണ് ഹൈദരാബാദിലെ ഒരു യുവതി കാട്ടിയത്. ഹൈദരാബാദിലെ ഉൾപ്രദേശമായ ശങ്കർപള്ളിയിലായിരുന്നു സംഭവം. വിചിത്രവും അപകടകരവുമായ സംഭവത്തിന്റെ വീഡിയോ സോഷ്യൽ മീഡിയയിൽ പ്രചരിച്ചു. റെയിൽവേ ജീവനക്കാർ പേടിച്ച് വാഹനത്തിന്റെ പിന്നാലെ ഓടുന്നതും കാണാമായിരുന്നു.
ദുരന്തം ഒഴിവാക്കാൻ ബെംഗളൂരു-ഹൈദരാബാദ് സർവീസ് റെയിൽവേയ്‌ക്ക നിർത്തിവയ്‌ക്കേണ്ടി വന്നു. കൊണ്ടക്കലിലെ ലെവൽ ക്രോസിൽ നിന്നാണ് ഇവർ ട്രാക്കിലേക്ക് കയറിയത്. ശങ്കർപള്ളിയിൽ നിന്ന് ഹൈദരാബാദിലേക്കുള്ള ട്രാക്കിലൂടെയാണ് ഇവർ കാറുമായി പാഞ്ഞത്. ഏകദേശം 5 കിലോ മീറ്ററാണ് യുവതി താണ്ടിയത്. ഇത് കണ്ട് റെയിൽവേ അധികൃതർ ഇവരെ തടയാൻ ശ്രമിച്ചെങ്കിലും കാർ നിർത്താതെ പറപ്പിക്കുകയായിരുന്നു യുവതി. ഒടുവിൽ ട്രാക്കിൽ നിന്ന് തെന്നിമാറിയ കാർ മരക്കൂട്ടങ്ങളിലേക്ക് ഇടിച്ചുകയറി വിൻഡോ ഗ്ലാസുകൾ തകർന്നു.
🚨 Shocking in Telangana: A woman drove her car on the Kondakal railway track near Shankarpally to film a REEL, reportedly under the influence.
Despite staff attempts to stop her, she sped off, triggering panic. Hyderabad–Bengaluru trains were halted as a precaution.
She’s now… pic.twitter.com/NgqmoUoYrw
— Megh Updates 🚨™ (@MeghUpdates) June 26, 2025
കാറിൽ നിന്ന് രക്ഷപ്പെടുത്തിയ രവിക സോണിയെ റെയിൽവേ പൊലീസ് കസ്റ്റഡിയിലെടുത്തു. കാറും കൊണ്ടുപോയി. അതേസമയം യുവതി മാനസികാസ്വാസ്ഥ്യം പ്രകടിപ്പിച്ചതായും പൊലീസ് ആശുപത്രിയിൽ പ്രവേശിപ്പിച്ചതായും വിവരമുണ്ട്. ലക്നൗ സ്വദേശിയായ ഇവർ ഹൈദരാബാദിലെ ടെക്കിയായിരുന്നു. ഈ അടുത്ത് ജോലി നഷ്ടമായതിന്റെ മനോവിഷമത്തിലായിരുന്നു. ഇതിന്റെ മാനസിക സംഘർഷങ്ങളുണ്ടെന്നാണ് സൂചന.
