ബെംഗളൂരു: ധര്മ്മസ്ഥല ആക്ഷന് കൗണ്സില് ചെയര്മാന് മഹേഷ് തിമ്മരോടി അറസ്റ്റിൽ. ഉഡുപ്പി ബ്രഹ്മാവർ പൊലീസാണ് ഉജ്ജിരെയിലെ വീട്ടിൽ നിന്ന് മഹേഷ് തിമ്മരോഡിയെ അറസ്റ്റ് ചെയ്തതത്. സമൂഹമാധ്യമത്തിലൂടെ ബിജെപിയുടെ ദേശീയ ഓര്ഗനൈസിങ്ങ് സെക്രട്ടറിയായ ബി.എല്. സന്തോഷിനെതിരെ അപകീര്ത്തികരമായ പോസ്റ്റിട്ടതിന് ബിജെപിയുടെ ഉഡുപ്പിറൂറല് മണ്ഡലം പ്രസിഡന്റ് രാജീവ് കുലാലിന്റെ പരാതിയുടെ അടിസ്ഥാനത്തിലായിരുന്നു മഹേഷ് ഷെട്ടി തിമ്മരോടിയുടെ അറസ്റ്റ്. ചോദ്യം ചെയ്യലിന് ഹാജരാകാൻ ആവശ്യപ്പെട്ട് പൊലീസ് നോട്ടീസ് നൽകിയിട്ടും ഹാജരാകാതിരുന്നതോടെയാണ് പൊലീസ് തിമ്മരോടിയെ അറസ്റ്റ് ചെയ്തത്.
വിവാദമായ ഒട്ടേറെ റിയല് എസ്റ്റേറ്റ് ഇടപാടുകള് നടത്തിയതിന്റെ പേരില് നിരവധി ആരോപണങ്ങൾ നേരിടുന്ന ആളാണ് മഹേഷ് ഷെട്ടി തിമ്മരോടി. പല ഭൂമികളും ക്ഷേത്രത്തിന് ആവശ്യമുണ്ടെന്ന് പറഞ്ഞ് വാങ്ങാന് ശ്രമിച്ച മഹേഷ് ഷെട്ടി തിമ്മരോടിയുടെ കള്ളങ്ങള് ക്ഷേത്രാധികാരികള് കണ്ടെത്തുകയായിരുന്നു. ഇതോടെ തിമ്മരോടിയി ബന്ധമില്ലെന്ന് വ്യക്തമാക്കി ക്ഷേത്രാധികാരികള് രംഗത്തെത്തി. തുടർന്ന് മഹേഷ് തിമ്മരോടി മഞ്ജുനാഥക്ഷേത്രത്തിനും ധര്മ്മാധികാരിയും രാജ്യസഭാ എംപിയുമായ വീരേന്ദ്രഹെഗ്ഗഡെയ്ക്കെതിരെ ഗൂഢാലോചന തുടങ്ങി.
ധര്മ്മസ്ഥല ക്ഷേത്രനഗരിയ്ക്കെതിരായ ആക്ഷന് കൗണ്സിലിന് ഇയാൾ നേതൃത്വം നല്കി.
