ചെന്നൈ: കരൂർ ദുരന്തത്തിൽ ടിവികെ നേതാവ് വിജയിയെ അറസ്റ്റ് ചെയ്യണമെന്ന് നടി ഓവിയ. സോഷ്യൽമീഡിയയിൽ പങ്കുവച്ച പോസ്റ്റിലൂടെയാണ് ഓവിയ സംഭവത്തിൽ പ്രതികരിച്ചത്. അറസ്റ്റ് വിജയ് എന്നാണ് നടി പോസ്റ്റിൽ കുറിച്ചത്. ജ്ഞാനികൾക്ക് ജീവിതം ഒരു സ്വപ്നമാണ്, വിഡ്ഢികൾക്ക് ജീവിതം കളിയാണ്, ധനികർക്ക് അതൊരു തമാശയാണ്, എന്നാൽ പാവപ്പെട്ടവർക്ക് ഇതൊരു ദുരന്തവുമാണെന്ന് ഓവിയ കുറിച്ചു.
താരത്തിന്റെ പോസ്റ്റിന് പിന്നാലെ ഗുരുതര സൈബറാക്രമണങ്ങളാണ് ഉയരുന്നത്. ടിവികെ പ്രവർത്തകരും വിജയ് ആരാധകരുമാണ് സൈബറാക്രമണത്തിന് പിന്നിൽ. മോശം കമന്റുകളും അധിക്ഷേപകരമായ വാക്കുകളുമാണ് താരത്തിന്റെ പോസ്റ്റിന് താഴെ വരുന്നത്. വിജയിയുടെ അറസ്റ്റ് ആവശ്യപ്പെട്ടും വലിയ തോതിൽ സോഷ്യൽമീഡിയയിൽ വ്യാപക പ്രതിഷേധം നടക്കുന്നുണ്ട്.
