തിരുവനന്തപുരം: ക്യാൻസർ രോഗികൾക്ക് കെഎസ്ആർടിസി ബസുകളിൽ സമ്പൂർണ സൗജന്യ യാത്ര അനുവദിക്കുമെന്ന് ഗതാഗതവകുപ്പ് മന്ത്രി കെ.ബി. ഗണേഷ് കുമാർ നിയമസഭയിൽ പ്രഖ്യാപിച്ചു. സൂപ്പർഫാസ്റ്റ് മുതൽ താഴോട്ടുള്ള കെഎസ്ആർടിസി ബസുകളിലായിരിക്കും സൗജന്യ യാത്ര അനുവദിക്കുന്നത്.
ഇക്കാര്യത്തിൽ കെഎസ്ആർടിസി ഡയറക്റ്റർ ബോർഡ് വ്യാഴാഴ്ചയോടെ തീരുമാനമെടുക്കുമെന്നും മന്ത്രി പറഞ്ഞു. കാന്സര് ചികിത്സയ്ക്കായി ആശുപത്രികളിലേക്ക് പോകുന്ന രോഗികള്ക്കാണ് കെഎസ്ആര്ടിസിയുടെ ബസുകളില് സൗജന്യമായി യാത്ര ചെയ്യാൻ സാധിക്കുന്നത്. അവസരമൊരുങ്ങുന്നത്.
കെഎസ്ആര്ടിസിയുടെ വരുമാനത്തില് അനുദിനം വര്ധനവുണ്ടാകുന്നതായി മന്ത്രി നിയമസഭയില് അവകാശപ്പെട്ടു. കഴിഞ്ഞ വര്ഷത്തെ അപേക്ഷിച്ച് യാത്രക്കാരുടെ എണ്ണത്തില് 22 ലക്ഷത്തിന്റെ വര്ധനവാണ് ഉണ്ടായിരിക്കുന്നതെന്നും ഇതുവഴി 26 കോടി രൂപയുടെ അധിക വരുമാനം വകുപ്പിന് നേടാന് സാധിച്ചെന്നും അദ്ദേഹം അവകാശപ്പെട്ടു.
വനിതകള്ക്കും കുട്ടികള്ക്കും സുരക്ഷിതമായ യാത്ര ഉറപ്പാക്കുന്നതിലൂടെയും യാത്രക്കാരെ ആകര്ഷിക്കാന് സാധിക്കുന്നുണ്ടെന്നാണ് മന്ത്രി അവകാശപ്പെടുന്നത്.
