കാസര്കോട് : പ്ലൈവുഡ് ഫാക്ടറിയില് ഉണ്ടായ പൊട്ടിത്തെറിയിലും തീപിടുത്തത്തിലും ഒരാൾ മരിച്ചു. കാസർഗോഡ് അനന്തപുരത്താണ് അപകടം. ഫാക്ടറിക്കകത്ത് ബോയിലർ പൊട്ടിത്തെറിക്കുകയായിരുന്നു.
ഇരുപതോളം പേർക്ക് പരിക്കേറ്റിട്ടുണ്ട്. അനന്തപുരം ഡെക്കോർ പാനൽ ഇൻഡസ്ട്രീസിലാണ് പൊട്ടിത്തെറി ഉണ്ടായത്. പരിക്കേറ്റരെ സമീപത്തെ ആശുപതിയിലേക്ക് മാറ്റി.
ഫാക്ടറിക്ക് അകത്തെ ബോയിലർ പൊട്ടിത്തെറിച്ചാണ് വൈകീട്ട് 7.30 യോടെ അപകടം ഉണ്ടായത്.
പൊട്ടിത്തെറിയുടെ അവശിഷ്ടങ്ങൾ കിലോമീറ്ററോളം ദൂരം എത്തി. പ്രദേശത്തെ നിരവധി വീടുകൾക്കും കേടുപാട് സംഭവിച്ചിട്ടുണ്ട്. കാസർകോട്, ഉപ്പള, കാഞ്ഞങ്ങാട്, എന്നിവിടങ്ങളിൽ നിന്നുള്ള ഫയർ ഫോഴ്സുകൾ എത്തി തീയണക്കാൻ ശ്രമം നടക്കുകയാണ്.
