ചങ്ങനാശ്ശേരി കെഎസ്ആർടിസി ബസ് സ്റ്റാൻഡിന്റെ ദയനീയ സ്ഥിതി ചൂണ്ടിക്കാട്ടി വിദേശ വ്ലോഗറുടെ വീഡിയോ. അലക്സ് വെൽഡർ ട്രാവർ എന്ന് പേരിലുള്ള ചാനലിലാണ് വീഡിയോ പ്രത്യക്ഷപ്പെട്ടത്.
ചങ്ങനാശ്ശേരിയിൽ എത്തി കെഎസ്ആർടിസി ബസ്സ് സ്റ്റാൻഡിലേക്ക് നടന്നു പോകുമ്പോൾ ഉള്ള കാഴ്ചയാണ് യുവാവ് പങ്കുവച്ചിരിക്കുന്നത്. പൊട്ടിപ്പൊളിഞ്ഞ ഓടയും ഫുട്പാത്തിൽ മാലിന്യക്കൂമ്പാരവുമാണ് വീഡിയോയിൽ കാണിച്ചിരിക്കുന്നത്. മതിലുകൾ പോസ്റ്ററോട്ടിച്ച് വൃത്തികേടായിരിക്കുന്നു. മുന്നാറിലേക്കുള്ള ബസ് ബുക്ക് ചെയ്താണ് വ്ലോഗർ ബസ് സ്റ്റാൻഡിൽ എത്തിയത്. സ്റ്റാൻഡിലെ കെഎസ്ആടിസി ജീവനക്കാരോട് ബസിനെ കുറിച്ച് ചോദിച്ചോൾ അവർക്ക് കേട്ട മട്ടേയില്ല. ഒടുവിൽ സ്റ്റാൻഡിന് പുറത്തിറങ്ങിയ വ്ലോഗർ കാൽനടക്കാരന്റെ സഹായത്തോടെ മൂന്നാറിലേക്കുള്ള ബസ് കണ്ടെത്തുകയായിരുന്നു.
കേരള ടൂറിസത്തിന് ലോകം മുഴുവൻ ഓടിനടന്ന് പരസ്യം ചെയ്യാൻ കോടികളാണ് സംസ്ഥാന സർക്കാർ ചെലവഴിക്കുന്നത്. പരസ്യ വീഡിയോയിലാകട്ടെ മനോഹരമായ ദ്യശ്യങ്ങളും. ഇതു കണ്ട് കേരളത്തിലേക്ക് വിമാനം കയറുന്ന വിദേശ സഞ്ചാരികളെ വരവേൽക്കുന്നത് തെരുവ് നായകളും മാലിന്യ കൂമ്പാരവുമാണ്. അവർ ഇത്തരം കാഴ്ചകൾ വ്ലോഗാക്കി ലോകം മുഴുവൻ അറിയിക്കുന്നതോടെ കേരള ടൂറിസത്തിന്റെ കാര്യം ശുഭം.
വീഡിയോയ്ക്ക് താഴെ മലയാളത്തിൽ നിരവധി കമന്റുകളുണ്ട്. ‘ചങ്ങനാശ്ശേരി നഗരസഭ. വേറെ വല്ല പണിക്കും പൊക്കൂടെ’ …’ലോകം മുഴുവൻ കണ്ടു ഉത്തരവാദിത്വം’. ‘ലോകം മുഴുവൻ കണ്ടു കേരളത്തിന്റെ വൃത്തിയും വെടിപ്പും’, ‘പിണറായി പറഞ്ഞലോ ന്യൂയോർക്ക് നിലവാരം ആണെന്ന്’ തുടങ്ങിയ നിരവധി കമന്റുകളാണ് പ്രത്യപക്ഷപ്പെട്ടിരിക്കുന്നത്.
View this post on Instagram
