ആലപ്പുഴ : മണ്ഡല മകരവിളക്ക് മഹോത്സവ കാലത്ത് അയ്യപ്പഭക്തർക്കായി കുട്ടനാട്ടിൽ ഇടത്താവളം ഒരുക്കി ശബരിമല അയ്യപ്പസേവാ സമാജം. ആലപ്പുഴ ജില്ലാ കമ്മറ്റിയുടെ സഹകരണത്തോടെ കുട്ടനാട് താലൂക്ക് സമതിയുടെ നേതൃത്വത്തിൽ എ.സി റോഡിനോട് , ചേർന്ന് മങ്കൊമ്പ് തെക്കേക്കരയിലാണ് അയ്യപ്പഭക്തർക്ക് വേണ്ട സൗകര്യം ഒരുക്കിയിട്ടുള്ളത്.
വൃശ്ചികം ഒന്നു മുതൽ 24 മണിക്കൂർ സൗജന്യ സേവനം മകരവിളക്ക് വരെ ലഭ്യമാക്കും. ഭക്ഷണം വിരിവെക്കാനുള്ള സൗകര്യം, വാഹന പാർക്കിംഗ്, ശൗചാലയം എന്നിവയാണ് പ്രധാനമായും ലഭ്യമാക്കുന്നത്. ചെങ്ങന്നൂരിലടക്കം സംസ്ഥാനത്ത് 56 ഇടങ്ങളിൽ സമാജം ഇടത്താവളം ഒരുക്കുന്നുണ്ട്. കുട്ടനാട്ടിലെ ഇടത്താവളം അയ്യപ്പഭക്തർക്ക് പൂർണ്ണമായി പ്രയോജനകരമാക്കാൻ പമ്പ സർവ്വീസ് എ.സി റോഡുവഴി പുനരാരംഭിക്കണമെന്ന് ശബരിമല അയ്യപ്പ സേവാ സമാജം ആവശ്യപ്പെട്ടു.
