ന്യൂഡല്ഹി: സിപിഐഎം എംപി ജോണ് ബ്രിട്ടാസിന് മലയാളത്തില് മറുപടി നല്കി കേന്ദ്രമന്ത്രി അമിത് ഷാ. ആദ്യമായാണ് കേന്ദ്ര മന്ത്രി ഔദ്യോഗിക മറുപടി മലയാളത്തില് നല്കുന്നത്.
ഓവര്സീസ് സിറ്റിസണ്സ് ഓഫ് ഇന്ത്യ (ഒസിഐ) രജിസ്ട്രേഷന് വിജ്ഞാപനവുമായി ബന്ധപ്പെട്ട് ഒക്ടോബര് 22ന് ബ്രിട്ടാസ് അയച്ച കത്തിന് മറുപടിയായാണ് നവംബര് 14ന് അമിത് ഷാ മലയാളത്തില് കത്തയച്ചത്. ഔദ്യോഗിക മറുപടികൾ ഹിന്ദിയിലോ ഇംഗ്ലീഷിലോ ആണ് സാധാരണ നൽകുക.
ഡോ. ജോണ് ബ്രിട്ടാസ് ജി, ഓവര്സീസ് സിറ്റിസണ് ഓഫ് ഇന്ത്യ രജിസ്ട്രേഷന് സംബന്ധിച്ച വിജ്ഞാപനവുമായി ബന്ധപ്പെട്ട് 2025, ഒക്ടോബര് 22ന് താങ്കള് അയച്ച കത്ത് ലഭിച്ചിട്ടുണ്ട്. നന്ദിയോടെ താങ്കളുടെ അമിത് ഷാ,’ എന്നാണ് കത്തിന് നല്കിയിരിക്കുന്ന മറുപടി.
