മലപ്പുറം: സേവാഭാരതിയും കെ ചിറ്റിലപ്പിള്ളി ഫൗണ്ടേഷനും ചേർന്ന് നടപ്പിലാക്കുന്ന തലചയ്ക്കാനൊരിടം പദ്ധതിയിലൂടെ ഒരു കുടുംബത്തിന് കൂടി അടച്ചുറപ്പുള്ള വീടെന്ന സ്വപ്നം യാഥാർത്ഥ്യമായി. പദ്ധതിപ്രകാരം കാക്കാടൻ മാരിയത്തിൽ ഗിഫ്തിയയുടെ കുടുംബത്തിനായി നിർമ്മിച്ച വീടിന്റെ താക്കോൽദാനം കഴിഞ്ഞ ദിവസം നടന്നു. മലപ്പുറം ജില്ലയിലെ പോരൂർ പഞ്ചായത്തിലാണ് ഗിഫ്തിയയും കുടുംബവും താമസിക്കുന്നത്.
സേവാഭാരതി പോരൂർ യൂണിറ്റ് ഉപാധ്യക്ഷൻ എം.പി. കേശവന്റെ അധ്യക്ഷതയിൽ ചേർന്ന യോഗത്തിൽ ദേശീയ സേവാഭാരതി കേരളം സംസ്ഥാന സമിതി അംഗം എം.സി. ഷാജു കുമാർ വീടിന്റെ താക്കോൽ കൈമാറി. സേവാഭാരതി മലപ്പുറം ജില്ലാ ജനറൽ സെക്രട്ടറി വി. ഹരിദാസൻ കുടുംബത്തിന് മംഗളപത്രം നൽകി.
ആർഎസ്എസ് ഖണ്ഡ് സംഘചാലക് മോഹൻദാസ് കരുമാരപ്പറ്റ, ആർഎസ്എസ് ജില്ലാ കാര്യവാഹ് കെ. അജിത്ത് എന്നിവർ ആശംസകൾ അറിയിച്ചു സംസാരിച്ചു. പി.കെ. മനോജ് സ്വാഗതവും എം.ടി. അനിൽകുമാർ നന്ദിയും രേഖപ്പെടുത്തി.
