ന്യൂഡൽഹി: ഡിണ്ടിഗൽ-ശബരി റെയിൽപാതയിൽ സാധ്യതാ പഠനം നടത്തുമെന്ന് റെയിൽവേ മന്ത്രി അശ്വനി വൈഷ്ണവ്. ഡിണ്ടിഗലിൽ നിന്ന് ശബരിമലയിലേക്ക് പുതിയ റെയിൽവേ ലൈൻ നിർമിക്കുമോ എന്ന ചോദ്യത്തിന് ലോക്സഭയിൽ മറുപടി നൽകുകയായിരുന്നു കേന്ദ്രമന്ത്രി.
പുതിയ റെയിൽവേ ലൈൻ വരുന്നത് ഭക്തർക്ക് ഏറെ ആശ്വസകരമായിരിക്കുമെന്നും അഞ്ച് ലക്ഷം ഭക്തരാണ് ഇതുവഴി യാത്ര ചെയ്യുന്നതെന്നും പ്രതിപക്ഷ എംപി അറിയിച്ചിരുന്നു. ഇതിനായിരുന്നു അശ്വനി വൈഷ്ണവിന്റെ പ്രതികരണം. മൂന്ന് ദിവസം ഇതേ ആവശ്യം അറിയിച്ച് ഒരു കത്ത് ലഭിച്ചിരുന്നു. ഇക്കാര്യം പരിശോധിക്കാൻ ഉദ്യോഗസ്ഥരോട് ആവശ്യപ്പെട്ടു. ഉദ്യോഗസ്ഥർ സമർപ്പിച്ച ശേഷം ഇക്കാര്യത്തിൽ തുടർനടപടികൾ സ്വീകരിക്കുമെന്ന് കേന്ദ്രമന്ത്രി അറിയിച്ചു.
