കുറച്ച് കൂടി സൗകര്യങ്ങൾ ഉണ്ടായിരുന്നെങ്കിൽ കേരളാ പൊലീസ് സ്കോട്ട്ലൻഡ് യാർഡിനോട് പോലും കിടപിടിക്കുമെന്ന് നടി മീനാക്ഷി അനൂപ്. പുതുവത്സരാശംസകൾ നേർന്നുകൊണ്ടുള്ള കുറിപ്പിലാണ് കേരള പൊലീസിനെ വാനോളം പുകഴ്ത്തിയിരിക്കുന്നത്.
റിയൽ ഹീറോസ് ഇൻ റിയൽ ലൈഫ്’ എന്നാണ് പൊലീസിനെ നടി വിശേഷിപ്പിച്ചിരിക്കുന്നത്. സിനിമകളിലേതുപോലെ റീ ടേക്കോ. ആക്ഷനുകളിൽ ഡ്യൂപ്പോ ഇല്ലാത്തവർ. പലപ്പോഴും ഷൂട്ട് കഴിഞ്ഞ് ഏറെ രാത്രിയാവുമ്പോൾ പ്രത്യേകിച്ച് ദൂരയാത്രകളിൽ. തുറന്നിരിക്കുന്ന അപൂർവ്വം ചില കടകളിൽ കയറി ചോദിക്കാറുണ്ട് ഈ വഴി പോയാൽ പോലീസുണ്ടാവുമോ. അതു പക്ഷെ പോലീസ് ഇല്ലാത്ത വഴിക്ക് പോവാനല്ല ഉള്ള വഴിക്ക് ധൈര്യമായി ആത്മ വിശ്വാസത്തോടെ സുരക്ഷിതമായി പോവാനാണ്. പലപ്പോഴും ‘ഗൂഗിൾ മാപ്പ്’ വെച്ച് വീട് പിടിക്കാൻ ശ്രമിക്കുമ്പോൾ പരിചയമില്ലാത്ത വഴികളിൽ ഒരു പോലീസ് ജീപ്പ് കാണുമ്പോഴുള്ള ഒരു അനുഭവം അതൊരാശ്വാസമാണെന്നും മീനാക്ഷി പറയുന്നു.
പൊലീസിനെ പുകഴ്ത്തി കൊണ്ടുളള മീനാക്ഷിയുടെ പോസ്റ്റിന് താഴെ നിരവധി കമന്റുകളാണ് നിറയുന്നത്. ‘ കുട്ടി ലോകം കണ്ടു തുടങ്ങുന്നേ ഉള്ളൂ… കുട്ടിക്ക് പട്ടാളത്തെ ക്കുറിച്ചറിയില്ല”, “ഒരു തെറ്റും ചെയ്യാതെ പോലീസിന്റെ ദാർഷ്ട്യം കൊണ്ട് മൂന്നരമാസം അഴിക്കുളിൽ കിടന്ന് എഴുവർഷം കേസ് നടത്തി നിരപരാധി എന്ന് കണ്ട് കോടതി വിട്ടയച്ച ഈ പോസ്റ്റ് വായിക്കുന്ന ഞാൻ”. “16കാരൻ നിർത്തിയിട്ട സ്കൂട്ടറിൽ ചാരിനിന്നതിന് ‘വണ്ടി ഓടിച്ചു’ എന്ന കഥ മെനഞ്ഞ് അവന്റെ 19 വയസ്സുകാരി (RC ഓണർ )ചേച്ചിക്കെതിരെ FIR ഇട്ട, ഗർഭിണിയുടെ കവിളത്ത് അടിച്ച് നെഞ്ചിൽ പിടിച്ച് തള്ളിയ KERALA POLICE സ്കോട്ടലൻഡ് യാർഡിനോട് കിടപിടിച്ചില്ലെങ്കിലും അൽപ്പം ജനാധിപത്യ ബോധത്തോടെ പൊതു ജനങ്ങളോട് ഇടപഴകിയാൽ മാത്രം മതി”. എന്നിങ്ങനെ പോകുന്നു കമൻറുകൾ.
