കൊച്ചി: നെടുമ്പാശ്ശേരി വിമാനത്താവളത്തിന് സമീപം റെയിൽവേ സ്റ്റേഷൻ നിർമിക്കാൻ കരാർ ക്ഷണിച്ചു. 7. 56 കോടി രൂപയാണ് കരാറിന്റെ അടങ്കൽ തുക. വിമാനയാത്രക്കാരുടെ ചിരകാല സ്വപ്നം യാഥാർത്ഥ്യമാകുന്നതിന്റെ ആദ്യപടിയായാണ് കരാർ നടപടികളിലേക്ക് കടന്നത്. കേന്ദ്രമന്ത്രി സുരേഷ് ഗോപിയുടെ ഓഫീസാണ് ഇക്കാര്യം അറിയിച്ചത്.
ഒൻപത് മാസമാണ് നിർമാണ കാലാവധി. ഫെബ്രുവരി അഞ്ചാണ് കരാർ സമർപ്പിക്കാനുള്ള അവസാന തീയതി. കിഴക്കുവശത്ത് സ്റ്റേഷൻ മന്ദിരവും, ഇരുഭാഗത്തും 600 മീറ്റർ നീളമുള്ള പ്ലാറ്റ്ഫോമുകളും, കാൽനട മേൽപ്പാലവും, ലിഫ്റ്റ്, പാർക്കിംഗ് സൗകര്യങ്ങളും അടങ്ങുന്നതാണ് പദ്ധതി
