കലാനിധി സെന്റര് ഫോര് ഇന്ത്യന് ആര്ട്സ് & കള്ച്ചറല് ഹെറിറ്റേജ് ട്രസ്റ്റ് ഏർപ്പെടുത്തിയ 2025ലെ മികച്ച ജനപ്രീയ വാർത്താ ചാനലിനുള്ള പുരസ്കാരം ജനം ടി വിക്ക്. മികച്ച വാർത്താ അവതാരകനുള്ള പുരസ്കാരത്തിന് ജനം ടി വി ചീഫ് സബ് എഡിറ്റർ എം. കെ വിനോദും അർഹനായി.
പ്രഥമ പഞ്ചമുഖീ പുരസ്കാരത്തിന് കവയത്രി പ്രൊഫ. കെ ജെ രമാഭായ് തിരഞ്ഞെടുക്കപ്പെട്ടു. ഫെബ്രുവരി 11 വൈകിട്ട് 6 ന് തിരുവനന്തപുരം മാറനല്ലൂര് കുന്നുംപുറം മഹാദേവര് ദുര്ഗ്ഗാ ക്ഷേത്രത്തിൽ നടക്കുന്ന സമ്മേളനത്തിൽ സംവിധായകൻ നേമം പുഷ്പരാജ് മീഡിയ അവാർഡുകൾ വിതരണം ചെയ്യുമെന്ന് സംഘാടകരായ നടൻ എം. ആർ ഗോപകുമാർ, കലാനിധി ചെയര്പേഴ്സണ് ഗീതാ രാജേന്ദ്രൻ എന്നിവർ അറിയിച്ചു.
