പനാജി: കേരളത്തിന്റെ സ്വന്തം ശ്രീപത്മനാഭ സ്വാമിയുടെ പത്താം നൂറ്റാണ്ടിലെ ഒരു അമൂല്യ ശില്പം ഗോവയിലുണ്ട് . പനാജിയിലെ ഗോവ സ്റ്റേറ്റ് മ്യൂസിയത്തിലാണ് ശില്പം സൂക്ഷിച്ചിരിക്കുന്നത് . അതിപുരാതന വിഗ്രഹങ്ങളും ചരിത്ര – സാംസ്കാരിക പൈതൃകങ്ങളുമാണ് ഗോവ സ്റ്റേറ്റ് മ്യൂസിയത്തിൽ സൂക്ഷിച്ചിരിക്കുന്നത്
കറുത്ത ശിലയിൽ അതിമനോഹരമായ ശ്രീപത്മനാഭ സ്വാമിയുടെ ശില്പം ഗോവ സ്റ്റേറ്റ് മ്യൂസിയത്തിൽ എത്തിയാൽ കാണാം . കടമ്പ രാജവംശത്തിന്റെ ശില്പ ചാതുര്യം വിളിച്ചോതുന്ന ശിൽപ്പം ദക്ഷിണ ഗോവയിലെ സാൽസെറ്റ് താലൂക്കിലെ സാവോർക്കോട്ട് എന്ന സ്ഥലത്തുനിന്നാണ് ഈ അപൂർവ്വ ശില്പം കണ്ടെടുത്തിട്ടുള്ളത്.
കേരളത്തിൽ എന്നപോലെ ഗോവയുടെ ആധ്യാത്മിക ചരിത്രത്തിലും വൈഷ്ണവ ആരാധനക്കുള്ള പ്രാധാന്യം വ്യക്തമാക്കുന്നതാണ് പത്താം നൂറ്റാണ്ടിലെ ഈ ശിൽപ്പം.
പുരാവസ്തുക്കളും ചരിത്രരേഖകളുമായി 8000ത്തിലധികം അമൂല്യ വസ്തുക്കളാണ് ഗോവ സ്റ്റേറ്റ് മ്യൂസിയത്തിലുള്ളത് . പനാജിയിലെ പഴയ സെക്രട്ടറിയേറ്റ് കെട്ടിടത്തിൽ പ്രവർത്തിക്കുന്ന മ്യൂസിയത്തിന്റെ പ്രവർത്തനം. പതിറ്റാണ്ടുകൾക്ക് മുൻപുള്ള ലോട്ടറി നറുക്കെടുപ്പ് സംവിധാനം മ്യൂസിയത്തിലെ പ്രധാന കൗതുകങ്ങളിൽ ഒന്നാണ് . കടമ്പ കാലഘട്ടം മുതൽ പോർച്ചുഗീസ് ഘട്ടം വരെയുള്ള ശില്പങ്ങൾ . പ്രിന്റിങ് മെഷീൻ ,നാണയ ശേഖരം , കലാരൂപങ്ങൾ എന്നിങ്ങനെ ഗോവയുടെ സാംസ്കാരിക ചരിത്രപാരമ്പര്യം അടയാളപ്പെടുത്തുകയാണ് മ്യൂസിയം.
നിലവിൽ, പനാജിയിലെ ആദിൽ ഷായുടെ കൊട്ടാരത്തിലാണ് (പഴയ സെക്രട്ടേറിയറ്റ്) മ്യൂസിയം സ്ഥിതി ചെയ്യുന്നത് .
