പാലക്കാട്: പി. ജയരാജന് പിന്നാലെ കൊടുങ്ങല്ലൂർ ശ്രീ കുരുംബ ക്ഷേത്രത്തിൽ ദർശനം നടത്തി നടത്തി ഇടത് മുൻ എംഎൽഎ മുകേഷ്. ഇന്നലെ വൈകുന്നേരമാണ് മുകേഷ് ക്ഷേത്രത്തിലെത്തിയത്. മുകേഷ് മനമുരുകി പ്രാർത്ഥിക്കുന്ന ദൃശ്യങ്ങൾ സോഷ്യൽ മീഡയിയയിൽ വൈറലാണ്. രക്ത പുഷ്പാഞ്ജലി, ഗുരുതി പുഷ്പാഞ്ജലി എന്നീ പൂജകൾ നടത്തിയ ശേഷമാണ് മുകേഷ് മടങ്ങിയത്.
ഹിന്ദുത്വത്തിനെതിരെയും ആചാരാനുഷ്ഠങ്ങൾക്കെതിരെയും നിരന്തരം രംഗത്ത് വരുന്നവരാണ് സിപിഎം. അതിന്റെ നേതാക്കളും കുടുംബവും കൂട്ടത്തോടെ ക്ഷേത്രത്തിൽ എത്തി പ്രാർത്ഥിക്കുന്നതും ദിനം പ്രതി വാർത്തയാകുന്നത് സിപിഎമ്മിനെ വെട്ടിലാക്കിയിരിക്കുകയാണ്.
പിണറായി വിജയന്റെ മകൻ ഗുരുവായൂർ ക്ഷേത്ര ദർശനം നടത്തിയതും വാർത്ത നൽകിയ ജനം ടിവി പ്രാദേശിക റിപ്പോർട്ടറെ ദേവസ്വം ജീവനക്കാർ ആക്രമിച്ചതും വലിയ ചർച്ചയായിരുന്നു. കഴിഞ്ഞ ദിവസമാണ് മുതിർന്ന സിപിഎം നേതാവ് പി. ജയരാജൻ ക്ഷേത്രത്തിൽ എത്തിയത്. ജനം ടിവി ഇത വാർത്തയാക്കിയതോടെ ജയരാജൻ പ്രകോപിതനാകുകയും വിശദീകരണുമായി രംഗത്തെത്തുകയും ചെയ്തു. ഭക്തനല്ലെന്നും പുസ്തകം എഴുതാൻ വെറുതെ ഒന്ന് എത്തിനോക്കിയതാണ് എന്നുമായിരുന്നു ജയരാജന്റെ വിശദീകരണം.
