കൊച്ചി : കോതമംഗലം സി ഐക്കെതിരെ ഫേസ്ബുക്കിലൂടെ ഭീഷണി മുഴക്കിയ അര്ജുന് ആയങ്കിക്കെതിരെ ഐടി ആക്ട് പ്രകാരം പോലീസ് കേസെടുത്തു. സമാധാനമായി പെന്ഷന് വാങ്ങി ശിഷ്ടജീവിതം നയിക്കാന് അനുവദിക്കില്ലെന്നായിരുന്നു ഭീഷണി.
ആരെയൊക്കെയോ പ്രീതിപ്പെടുത്താന് വേണ്ടിയായിരുന്നു തങ്ങള്ക്കെതിരായ നടപടിയെന്നാണ് അര്ജുന് ആയങ്കി പോസ്റ്റില് പറഞ്ഞത്. പോലീസ് നടപടിയില് തങ്ങളാരും ക്ഷമിച്ച് വീട്ടില് പോയി കഞ്ഞിയും കുടിച്ച് കിടന്നുറങ്ങില്ലെന്നും തങ്ങളിത്രപേരുടെ ജീവിതം ഒരൊറ്റ രാത്രി പുലരുമ്പോഴേക്ക് കീഴ്മേല് മറിച്ച തന്നെ വെറുതെ വിടില്ലെന്നും അര്ജുന് ആയങ്കി പോസ്റ്റില് പറഞ്ഞിരുന്നു. കോതമംഗലം സര്ക്കിള് ഏമാന് തുറന്ന കത്ത് എന്ന് പറഞ്ഞുകൊണ്ടായിരുന്നു അര്ജുന് ആയങ്കിയുടെ പോസ്റ്റ്.
കോതമംഗലത്ത് സുഹൃത്തിന്റെ വിവാഹത്തിന് എത്തിയ അര്ജുന് ആയങ്കിയെയും സുഹൃത്തുക്കളെയും പോലീസ് അറസ്റ്റ് ചെയ്തിരുന്നു. ഇതിന് പിന്നാലെയായിരുന്നു അര്ജുന് ആയങ്കിയുടെ ഭീഷണി പോസ്റ്റ്.
