തിരുവന്തപുരം: പ്രശസ്ത നടൻ സലിംകുമാറിന്റെ വിയോഗത്തിൽ അനുശോചനം രേഖപ്പെടുത്തി നടൻ മമ്മൂട്ടി. സലിംകുമാറിന്റെ വിയോഗം തീരാത്ത സങ്കടമായെന്ന് മമ്മൂട്ടി സോഷ്യൽമീഡിയ പോസ്റ്റിൽ കുറിച്ചു. ചിരിക്കുകയും ചിരിപ്പിക്കുകയും ചിന്തിക്കുകയും ചിന്തിപ്പിക്കുകയും ഇടയ്ക്ക് കരയുകയും കരയിപ്പിക്കുകയും ചെയ്ത സലീം, നീ ഇപ്പോൾ കരയിപ്പിക്കുക മാത്രമാണ്. തീരാത്ത സങ്കടം ആയി സഹോദരാ നിന്റെ വിയോഗമെന്നാണ് മമ്മൂട്ടി കുറിപ്പിൽ എഴുതിയിരിക്കുന്നത്.
ഇന്നലെ രാത്രിയായിരുന്നു സലിംകുമാർ (57) അന്തരിച്ചത്. അസുഖം മൂർഛിച്ചതിനെ തുടർന്ന് ശനിയാഴ്ച ഇടപ്പള്ളി അമൃത ആശുപത്രിയിൽ വെന്റിലേറ്ററിൽ പ്രവേശിപ്പിച്ചതായിരുന്നു.
ഭാര്യ: സുനിത. മക്കൾ: നടൻ ചന്തു, ആരോമൽ.
