ബംഗളൂരു: കർണാടക മുഖ്യമന്ത്രി ഡി.കെ. ശിവകുമാർ വീണ്ടും വിവാദത്തിൽ. മുഖ്യമന്ത്രി ആപ്പിൾ കടിച്ച ശേഷം, അത് ജനക്കൂട്ടത്തിലേക്ക് എറിഞ്ഞു കൊടുത്ത സംഭവമാണ് വിമർശനത്തിന് കാരണമാകുന്നത്. ഈ വീഡിയോയാ ഇപ്പോൾ സോഷ്യൽ മീഡിയയിൽ വെെറലാകുകയാണ് .
കനകപുരയിലെ ഒരു പ്രധാന നഗരമായ ഹരോഹള്ളിയിൽ മുഖ്യമന്ത്രിയായ സന്തോഷം അണികളുമായി പങ്കുവയ്‌ക്കുന്നതിനുള്ള റാലിക്കിടെയാണ് കർണാടക മുഖ്യമന്ത്രി ഡി കെ ശിവകുമാർ അണികൾക്കിടയിലേക്ക് ആപ്പിളെറിഞ്ഞത്.
ശിവകുമാറിന്റെ അനുയായികളും പ്രാദേശിക പ്രവർത്തകരും ഒത്തുചേർന്ന റാലിക്കിടെ ആപ്പിളും പൂക്കളും കൊണ്ട് നി‌ർമ്മിച്ച മാല മുഖ്യമന്ത്രിക്ക് സമ്മാനിച്ചു. നൂറുകിലോയിൽ അധികം ഭാരമുള്ള മാല ഹെെഡ്രോളിക് ക്രെയിൻ ഉപയോഗിച്ചാണ് മുഖ്യമന്ത്രിയുടെ സമീപത്തെത്തിച്ചത്. ഇതോടെ ശിവകുമാർ മാലയിൽ നിന്നും ആപ്പിളുകൾ പറിച്ചെടുത്ത് കടിച്ചിട്ട് അണികൾക്ക് നേരെ എറിയുകയായിരുന്നു . ഇത് ചാടിപ്പിടിക്കാൻ അണികൾ തിക്കിതിരക്കുന്ന വീഡിയോയും പുറത്തു വന്നു. ഈ വീഡിയോ സോഷ്യൽ മീഡിയയിൽ വലിയ വിമർശനത്തിന് കാരണമായി.
