മുംബൈ: വരാനിരിക്കുന്ന അയര്ലന്ഡ്, ഇംഗ്ലണ്ട് പര്യടനങ്ങള്ക്കുള്ള ഇന്ത്യന് ടി20 ടീമില് നിന്ന് ഫാസ്റ്റ് ബൗളര് മുഹമ്മദ് സിറാജിനെ ഒഴിവാക്കി. ബിസിസിഐ മെഡിക്കല് ടീമും ടീം മാനേജ്മെന്റും തമ്മില് നടത്തിയ ചര്ച്ചകള്ക്ക് ശേഷമാണ് സിറാജിന് വിശ്രമം അനുവദിക്കാന് തീരുമാനിച്ചത്. വരാനിരിക്കുന്ന നീണ്ട അന്താരാഷ്ട്ര ക്രിക്കറ്റ് സീസണിന് മുന്നോടിയായി താരത്തിന്റെ അമിത ജോലിഭാരം നിയന്ത്രിക്കുന്നതിന്റെയും പൂര്ണ്ണ ശാരീരികക്ഷമത ഉറപ്പാക്കുന്നതിന്റെയും ഭാഗമായാണ് ഈ മുന്കരുതല് നടപടി.
സിറാജിന് പകരക്കാരനായി പ്രസിദ്ധ് കൃഷ്ണയെ രണ്ട് പരമ്പരകള്ക്കുമുള്ള ടീമില് സെലക്ഷന് കമ്മിറ്റി ഉള്പ്പെടുത്തിയിട്ടുണ്ട്. ശ്രേയസ് അയ്യര് നയിക്കുന്ന ടീമിന്റെ വൈസ് ക്യാപ്റ്റന് തിലക് വര്മ്മയാണ്.
പുതുക്കിയ ഇന്ത്യന് ടി20 ടീം:
ശ്രേയസ് അയ്യര് (ക്യാപ്റ്റന്), അഭിഷേക് ശര്മ്മ, സഞ്ജു സാംസണ് (വിക്കറ്റ് കീപ്പര്), ഇഷാന് കിഷന് (വിക്കറ്റ് കീപ്പര്), ശിവം ദുബെ, തിലക് വര്മ്മ (വൈസ് ക്യാപ്റ്റന്), നിതീഷ് കുമാര് റെഡ്ഡി, അക്സര് പട്ടേല്, വാഷിംഗ്ടണ് സുന്ദര്, വരുണ് ചക്രവര്ത്തി, രവി ബിഷ്ണോയ്, ഹര്ഷിത് റാണ, അര്ഷ്ദീപ് സിംഗ്, പ്രിന്സ് യാദവ്, വൈഭവ് സൂര്യവംശി, പ്രസിദ്ധ് കൃഷ്ണ.