കളമശ്ശേരി: ആള് കേരള ഫോട്ടോഗ്രാഫേഴ്സ് അസോസിയേഷന് (എ.കെ.പി.എ) സാന്ത്വനം പദ്ധതിയുടെ ഭാഗമായി അന്തരിച്ച അംഗം അനില്കുമാറിന്റെ കുടുംബത്തിന് ധനസഹായം കൈമാറി. എറണാകുളം ജില്ലാ ഇടപ്പള്ളി മേഖലയിലെ കളമശ്ശേരി യൂണിറ്റ് അംഗവും സാന്ത്വനം പദ്ധതിയില് അംഗവുമായിരുന്ന അനില്കുമാറിന്റെ കുടുംബത്തിനാണ് സഹായം നല്കിയത്.
കളമശ്ശേരി പി.ഡബ്ല്യു.ഡി റസ്റ്റ് ഹൗസില് സംസ്ഥാന സമ്മേളനത്തിന്റെ സ്വാഗതസംഘം പിരിച്ചുവിടുന്ന യോഗത്തിനിടെയായിരുന്നു ധനസഹായ വിതരണം. സംസ്ഥാന ജനറല് സെക്രട്ടറി ഉണ്ണി കോവൂഡും സംസ്ഥാന സാന്ത്വനം ചെയര്മാന് എന്.കെ. ജോഷിയും ചേര്ന്ന് അനില്കുമാറിന്റെ ഭാര്യ ശ്രീരേഖ അനിലിനും മകന് ആദര്ശ് അനിലിനും ധനസഹായം കൈമാറി.
ചടങ്ങില് സംസ്ഥാന സെക്രട്ടറിമാരായ സന്തോഷ്, ടൈറ്റസ് സി.ജി., സംസ്ഥാന വൈസ് പ്രസിഡന്റ് റോണി അഗസ്റ്റിന്, ജില്ലാ പ്രസിഡന്റ് എ.എ. രജീഷ്, ജില്ലാ സെക്രട്ടറി മിനോഷ് ജോസഫ്, ജില്ലാ ട്രഷറര് ജോമിറ്റ്, ജില്ലാ സാന്ത്വനം കോ-ഓര്ഡിനേറ്റര് എസ്. രാജന്, മുന് സംസ്ഥാന പ്രസിഡന്റുമാരായ എം.ആര്.എന്. പണിക്കര്, ടി.ജെ. വര്ഗീസ്, എ.സി. ജോണ്സണ്, ജില്ലാ വൈസ് പ്രസിഡന്റ് ശ്രീജിത്ത് ശിവറാം, ജില്ലാ ജോയിന്റ് സെക്രട്ടറി രാജേന്ദ്രന് നായര്, ജില്ലാ വെല്ഫെയര് ഫണ്ട് ചെയര്മാന് സിബി ജോസഫ്, ജില്ലാ ബ്ലഡ് ഡൊണേഷന് ക്ലബ് കോ-ഓര്ഡിനേറ്റര് സലാര് കോമത്ത്, മേഖല സാന്ത്വനം കോ-ഓര്ഡിനേറ്റര് ബാലകൃഷ്ണ മേനോന്, മേഖല പ്രസിഡന്റ് അന്സന് മാത്യു, മേഖല സെക്രട്ടറി സേവ്യര് കുഞ്ഞുമോന്, ഇടപ്പള്ളി യൂണിറ്റ് സെക്രട്ടറി മഞ്ജു സുനീഷ് തുടങ്ങിയവര് പങ്കെടുത്തു.
