തിരുവനന്തപുരം: ഗണിതത്തെ ലളിതവും ആസ്വാദ്യകരവുമായി പരിചയപ്പെടുത്തുക എന്ന ലക്ഷ്യത്തോടെ The Institution of Engineers (India) – Kerala State Centre-ന്റെ ആഭിമുഖ്യത്തിൽ “Easy Mathematics for All Ages and Calendar Tricks” എന്ന വിഷയത്തിൽ സാങ്കേതിക പ്രഭാഷണം സംഘടിപ്പിക്കുന്നു.
ജൂലൈ 22 (ബുധനാഴ്ച) വൈകിട്ട് 5.45 മുതൽ 7.00 വരെ കനകക്കുന്ന് കൊട്ടാരത്തിന് എതിർവശത്തുള്ള വിശ്വേശ്വരയ്യ ഭവനിലെ ഇൻസ്റ്റിറ്റ്യൂഷൻ ഓഫ് എൻജിനീയേഴ്സ് ഹാളിൽ പ്രഭാഷണം നടക്കും.
മുൻ കോളേജ് ഓഫ് എൻജിനീയറിംഗ് തിരുവനന്തപുരം സിവിൽ എൻജിനീയറിംഗ് വിഭാഗം മേധാവിയും മുൻ പി.ജി. ഡീനുമായ പ്രൊഫ. (ഡോ.) വി. രാജേന്ദ്ര ബാബു വിഷയാവതരണം നടത്തും. ഗണിതം ലളിതമായി മനസ്സിലാക്കുന്നതിനുള്ള മാർഗങ്ങളും കലണ്ടർ കണക്കുകൂട്ടലുകളിലെ കൗതുകകരമായ ട്രിക്കുകളും പ്രഭാഷണത്തിൽ അവതരിപ്പിക്കും.
പരിപാടിക്ക് ഇൻസ്റ്റിറ്റ്യൂഷൻ ഓഫ് എൻജിനീയേഴ്സ് (ഇന്ത്യ) കേരള സ്റ്റേറ്റ് സെന്റർ ചെയർമാൻ എർ. ഉദയകുമാർ കെ. എസ്. അധ്യക്ഷത വഹിക്കും. ഓണററി സെക്രട്ടറി എർ. ജഗദീശ ചന്ദ്ര പിഷാരടി എസ്. കെ. ഉൾപ്പെടെ വിവിധ സാങ്കേതിക സംഘടനകളുടെ പ്രതിനിധികളും പങ്കെടുക്കും.
IEEE, AeSI, SSI, PMI, INSARM, SAME, ISTD, IETE, IITArb തുടങ്ങിയ സംഘടനകളുടെ സഹകരണത്തോടെയാണ് പരിപാടി സംഘടിപ്പിക്കുന്നത്.
പരിപാടി പൊതുജനങ്ങൾക്കായി പ്രവേശനം സൗജന്യമാണ്.
