കൊടുങ്ങല്ലൂർ: അഴീക്കോട് സീതി സാഹിബ് മെമ്മോറിയൽ ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർഥിക്ക് നേരെ കല്ലുകൊണ്ടുള്ള ആക്രമണം. അഴീക്കോട് സ്വദേശി ആസിഫ്ഷയ്‌ക്കാണ് തലയ്‌ക്ക് പരിക്കേറ്റത്.
ഇന്നലെ വൈകീട്ട് സ്കൂൾ വിട്ട് വീട്ടിലേക്ക് മടങ്ങുന്നതിനായി ബസ് സ്റ്റോപ്പിലേക്ക് നടക്കുന്നതിനിടെയായിരുന്നു സംഭവം. ബസ് സ്റ്റോപ്പിൽ ഉണ്ടായിരുന്ന അജ്ഞാതനായ യുവാവ് കല്ലുകൊണ്ട് തലയ്‌ക്കടിക്കുകയായിരുന്നെന്ന് വിദ്യാർഥി പൊലീസിനോട് മൊഴി നൽകി.
പരിക്കേറ്റ ആസിഫ്ഷയെ ഉടൻ കൊടുങ്ങല്ലൂരിലെ ആശുപത്രിയിൽ പ്രവേശിപ്പിച്ചു. സംഭവത്തിൽ കൊടുങ്ങല്ലൂർ പൊലീസ് കേസെടുത്ത് അന്വേഷണം ആരംഭിച്ചു.
