കൊച്ചി: ആലഞ്ചേരി സിനിമാസിന്റെയും ആക്ടേഴ്സ് ഫാക്ടറി പ്രൊഡക്ഷൻസിന്റെയും ബാനറിൽ സിറിയക് ആലഞ്ചേരി നിർമ്മിച്ച്, സന്തോഷ് ഇടുക്കി രചനയും സംവിധാനവും നിർവഹിച്ച ‘പൈറേറ്റ്സ് ഓഫ് ഇടുക്കി’ സെപ്റ്റംബർ 4ന് തിയേറ്ററുകളിലെത്തും. റിലീസ് തീയതി പ്രഖ്യാപിച്ചുകൊണ്ടുള്ള പുതിയ പോസ്റ്റർ അണിയറപ്രവർത്തകർ പുറത്തിറക്കി.
ഇടുക്കിയുടെ പശ്ചാത്തലത്തിൽ ഒരു സമ്പന്ന കുടുംബത്തെ ചുറ്റിപ്പറ്റിയുള്ള ദുരൂഹ സംഭവങ്ങളാണ് ചിത്രം അവതരിപ്പിക്കുന്നത്. സസ്പെൻസും അന്വേഷണ സ്വഭാവവും നിറഞ്ഞ കഥാപശ്ചാത്തലത്തിലൂടെ പ്രേക്ഷകർക്ക് വേറിട്ടൊരു സിനിമാനുഭവം സമ്മാനിക്കാനാണ് ചിത്രത്തിന്റെ ശ്രമം.
‘കൂടോത്രമെന്ന ശ്രദ്ധേയ ചിത്രത്തിന് ശേഷം സന്തോഷ് ഇടുക്കി തിരക്കഥയും സംവിധാനവും നിർവഹിക്കുന്ന ചിത്രമെന്ന നിലയിലും ‘പൈറേറ്റ്സ് ഓഫ് ഇടുക്കി’ ശ്രദ്ധ നേടുകയാണ്.
ചിത്രത്തിൽ ശ്രീജിത്ത് രവി, സിറിയക് ആലഞ്ചേരി, രവീന്ദ്രൻ കീരിത്തോട്, അനുരാജ് ശിവഗിരി, ജോബി കുന്നത്തുംപാറ, ബിജു തോപ്പൻ, അഭിലാഷ് വിദ്യാസാഗർ, അനീഷ് അബ്രഹാം, സാരംഗ് മാത്യു, ബിജു വൈദ്യൻ, അനിൽ കാളിദാസൻ, കെ.വി. രാജു, സജി, ജോമോൻ പാറയിൽ, അജീഷ് ചില്ലിസ്, ജോമി വെൺമണി, സി.കെ. രാജു, സണ്ണി പനയ്ക്കൽ, ലിബിയ ഷോജൻ, ജിൻസി ജിസ്ബിൻ, ജയ, ഫ്രാൻസിൽ നിന്നുള്ള വാലന്റീന എന്നിവരടക്കം വലിയ താരനിര അണിനിരക്കുന്നു.
ഛായാഗ്രഹണം കിങ്ങൻ ജിതിൻ, പശ്ചാത്തല സംഗീതം റോണി റാഫേൽ, എഡിറ്റിംഗ് ജ്യോതിഷ് കുമാർ, സംഗീതവും സൗണ്ട് ഡിസൈനും ജയ്സൺ ജോൺ, കലാസംവിധാനം ഷിബു അടിമാലി, അജയ് കീഴില്ലം എന്നിവർ നിർവഹിക്കുന്നു.
പ്രൊഡക്ഷൻ കൺട്രോളർ സേതു അടൂർ, പ്രൊഡക്ഷൻ എക്സിക്യൂട്ടീവ് പൗലോസ് കുറുമറ്റം, മേക്കപ്പ് പട്ടണം ഷാ, അരവിന്ദ് ഇടുക്കി, കോസ്റ്റ്യൂംസ് ബിനു, ചീഫ് അസോസിയേറ്റ് ഡയറക്ടർ സാജൻ കല്ലായി, അസോസിയേറ്റ് ഡയറക്ടർ ജിഷ്ണു രാധാകൃഷ്ണൻ, സ്റ്റിൽസ് രാജീവ് അഴിയൂർ, പബ്ലിസിറ്റി ഡിസൈൻ ഷിനോജ് സൈൻ എന്നിവരാണ്.
ശുഭശ്രീ സ്റ്റുഡിയോസ് കേരളത്തിലെ തിയേറ്ററുകളിലേക്ക് ചിത്രം വിതരണം ചെയ്യും.