കൊല്ലം: കൊട്ടാരക്കരയിൽ വൻതോതിൽ എംഡിഎംഎയുമായി മൂന്ന് യുവാക്കൾ പിടിയിൽ. കുടവട്ടൂർ സ്വദേശി ബിബിൻ, നെടുമൺകാവ് സ്വദേശി അനന്തു അഭിലാഷ്, കരീപ്ര സ്വദേശി അതുൽകൃഷ്ണൻ എന്നിവരെയാണ് പൊലീസ് പിടികൂടിയത്. ഇവരിൽനിന്ന് 143.8 ഗ്രാം എംഡിഎംഎ പിടിച്ചെടുത്തു.
എംഡിഎംഎയുമായി കൊട്ടാരക്കര കെഎസ്ആർടിസി ബസ് സ്റ്റാൻഡിൽ വന്നിറങ്ങിയ ബിബിനെ കൂട്ടിക്കൊണ്ടുപോകാൻ ബൈക്കിലെത്തിയതായിരുന്നു അനന്തു അഭിലാഷും അതുൽകൃഷ്ണനുമെന്നാണ് പൊലീസ് പറയുന്നത്.
കൊല്ലം ഡാൻസാഫ് സംഘത്തിന്റെ നിരീക്ഷണത്തിലായിരുന്നു പ്രതികൾ. തുടർന്ന് കൊട്ടാരക്കര പൊലീസിന്റെ സഹായത്തോടെ നടത്തിയ പരിശോധനയിലാണ് മൂവരും പിടിയിലായത്. മയക്കുമരുന്ന് എവിടെനിന്നാണ് എത്തിച്ചതെന്നും ആർക്കുവേണ്ടിയാണ് കൈമാറാനെത്തിയതെന്നും ഉൾപ്പെടെയുള്ള കാര്യങ്ങളിൽ പൊലീസ് അന്വേഷണം ആരംഭിച്ചു. പ്രതികൾക്ക് പിന്നിൽ കൂടുതൽ ആളുകളുണ്ടോയെന്നും പൊലീസ് പരിശോധിക്കുന്നുണ്ട്. സംഭവവുമായി ബന്ധപ്പെട്ട് വിശദമായ അന്വേഷണം തുടരുകയാണ്.
