തിരുവനന്തപുരം: ഓണത്തിന് ബെവ്കോ ജീവനക്കാർക്ക് വീണ്ടും വൻ ബോണസ്. കേരള സ്റ്റേറ്റ് ബിവറേജസ് കോർപ്പറേഷൻ ജീവനക്കാർക്ക് ഇത്തവണ പരമാവധി 1,05,000 രൂപ വരെ ബോണസ് ലഭിക്കും. കഴിഞ്ഞ വർഷം ലഭിച്ച 1,02,500 രൂപയിൽ നിന്ന് 2,500 രൂപയുടെ വർധനവാണ് ഇത്തവണ പ്രഖ്യാപിച്ചിരിക്കുന്നത്. ഇതിനുപുറമെ ജീവനക്കാർക്ക് 50,000 രൂപ വരെ അഡ്വാൻസായും നൽകും.
എക്സൈസ് മന്ത്രിയുടെ സാന്നിധ്യത്തിൽ ചേർന്ന യോഗത്തിലാണ് ഓണം ബോണസ് സംബന്ധിച്ച തീരുമാനം കൈക്കൊണ്ടത്. സ്ഥിരം ജീവനക്കാർക്ക് എക്സ്ഗ്രേഷ്യ, പെർഫോമൻസ് ഇൻസെന്റീവ് എന്നീ ഇനങ്ങളിലായി പരമാവധി 1,05,000 രൂപ വരെ ലഭിക്കും.
കഴിഞ്ഞ വർഷവും ബെവ്കോ ജീവനക്കാർക്ക് ഓണത്തിന് റെക്കോർഡ് ബോണസാണ് ലഭിച്ചത്. അന്ന് സ്ഥിരം ജീവനക്കാർക്ക് 1,02,500 രൂപയായിരുന്നു പരമാവധി ബോണസ്. ഇത്തവണ ഈ തുക വീണ്ടും ഉയർത്തിയാണ് 1,05,000 രൂപയാക്കിയത്.
അതേസമയം ബെവ്കോയിലെ മറ്റ് വിഭാഗം ജീവനക്കാർക്കും ബോണസ് തുക പ്രഖ്യാപിച്ചിട്ടുണ്ട്. എംപ്ലോയ്മെന്റ് ജീവനക്കാർക്കുള്ള ബോണസ് 250 രൂപ വർധിപ്പിച്ച് 6,250 രൂപയാക്കി. സീപ്പർമാർക്ക് 6,750 രൂപയും നൽകും.
ഹെഡ് ഓഫീസിലെയും വെയർഹൗസിലെയും സുരക്ഷാ ജീവനക്കാർക്കും പ്രത്യേക ബോണസ് അനുവദിച്ചിട്ടുണ്ട്. ഇവർക്ക് 13,000 രൂപ വീതം നൽകാനാണ് തീരുമാനം.
സ്ഥിരം ജീവനക്കാർക്ക് ലഭിക്കുന്ന ബോണസിന് പുറമെ 50,000 രൂപ വരെ അഡ്വാൻസ് അനുവദിക്കുന്നതും ഇത്തവണത്തെ ഓണം ആനുകൂല്യത്തിന്റെ പ്രത്യേകതയാണ്. ഇതോടെ ബെവ്കോ ജീവനക്കാർക്ക് ഓണത്തിന് ലഭിക്കുന്ന സാമ്പത്തിക ആനുകൂല്യത്തിൽ വീണ്ടും വർധനവാണ് ഉണ്ടായിരിക്കുന്നത്.
കഴിഞ്ഞ വർഷം തന്നെ ബെവ്കോ ജീവനക്കാർക്ക് ലഭിച്ച ബോണസ് വലിയ വാർത്തയായിരുന്നു. ഇത്തവണ അതിനേക്കാൾ 2,500 രൂപ അധികം ലഭിക്കുന്നതോടെ ഓണത്തിന് ജീവനക്കാർക്ക് ലഭിക്കുന്ന ബോണസ് തുക പുതിയ ഉയരത്തിലെത്തുകയാണ്.
