ന്യൂഡല്ഹി: 2026–27 – ഡൽഹി സർവകലാശാല വിദ്യാർത്ഥി യൂണിയൻ (DUSU) തെരഞ്ഞെടുപ്പിനുള്ള അഖില ഭാരതീയ വിദ്യാർത്ഥി പരിഷത്തിന്റെ കേന്ദ്ര പാനലിനെ പ്രഖ്യാപിച്ചു. പ്രസിഡന്റ് സ്ഥാനത്തേക്ക് യാഷ് ദബാസും, വൈസ് പ്രസിഡന്റായി ഇഷു മൗര്യയും, സെക്രട്ടറിയായി റിയ ഛാവ്ഡിയും, ജോയിന്റ് സെക്രട്ടറിയായി ലക്ഷ്യ രാജ് സിംഗും മത്സരിക്കും.
മികച്ച അടിസ്ഥാന സൗകര്യങ്ങൾ, ഗുണനിലവാരമുള്ള വിദ്യാഭ്യാസം, സ്ത്രീ സുരക്ഷ, കൂടുതൽ സജീവവും ഉത്തരവാദിത്തമുള്ളതുമായ വിദ്യാർത്ഥി യൂണിയൻ എന്നിവയുൾപ്പെടെ ക്യാമ്പസ് ജീവിതത്തെ നേരിട്ട് ബാധിക്കുന്ന വിഷയങ്ങളിൽ ശ്രദ്ധ കേന്ദ്രീകരിച്ച് എബിവിപി വിദ്യാർത്ഥികളിലേക്ക് പ്രചാരണം നടത്തും. സത്യ നികേതൻ സംഭവത്തെത്തുടർന്ന് ആരംഭിച്ച ‘ആഖിർ കബ് തക്?’ കാമ്പെയ്നിലൂടെ വിദ്യാർത്ഥികൾക്ക് സുരക്ഷിതമായ താമസ സൗകര്യം ഉറപ്പു വരുത്തേണ്ടതിന്റെ ആവശ്യകതയാണ് സംഘടന സുപ്രധാനമായി ഉന്നയിക്കുന്നത്
2026 ലെ ദില്ലി സർവ്വകലാശാല വിദ്യാർത്ഥി യൂണിയൻ തെരഞ്ഞെടുപ്പിനുള്ള എബിവിപി സെൻട്രൽ പാനൽ
പ്രസിഡന്റ്: യാഷ് ദബാസ്
വൈസ് പ്രസിഡന്റ്: ഇഷു മൗര്യ
സെക്രട്ടറി: റിയ ഛാവ്ഡി
ജോയിന്റ് സെക്രട്ടറി: ലക്ഷ്യ രാജ് സിംഗ്
എബിവിപി ദേശീയ ജനറൽ സെക്രട്ടറി ഡോ. വീരേന്ദ്ര സിംഗ് സോളങ്കിയുടെ പ്രസ്താവന
“കഴിഞ്ഞ വർഷം, ഡൽഹി സർവകലാശാല വിദ്യാർത്ഥി യൂണിയൻ നയിക്കാനുള്ള ഉത്തരവാദിത്തം വിദ്യാർത്ഥികൾ എബിവിപി യെ ഏൽപ്പിച്ചു. കഴിഞ്ഞ ഒരു വർഷമായി, വിദ്യാർത്ഥികളെ സംബന്ധിച്ച പ്രശ്നങ്ങൾ ഞങ്ങൾ നിരന്തരം ഉന്നയിക്കുകയും അവയുടെ പരിഹാരത്തിനായി പ്രവർത്തിക്കുകയും ചെയ്തിട്ടുണ്ട്. വ്യക്തമായ പ്രവർത്തന രേഖയും വരാനിരിക്കുന്ന വർഷത്തേക്കുള്ള കേന്ദ്രീകൃത അജണ്ടയും ഉപയോഗിച്ചാണ് ഞങ്ങൾ ഈ തിരഞ്ഞെടുപ്പിൽ പ്രവേശിക്കുന്നത്. അക്കാദമിക് സൗകര്യങ്ങളും കാമ്പസ് അടിസ്ഥാന സൗകര്യങ്ങളും മെച്ചപ്പെടുത്തുന്നതിനൊപ്പം, ഓരോ വിദ്യാർത്ഥിക്കും, പ്രത്യേകിച്ച് സ്ത്രീകൾക്ക് സുരക്ഷിതമായ അന്തരീക്ഷം ഉറപ്പാക്കുക എന്നതാണ് ഞങ്ങളുടെ മുൻഗണന. ദില്ലി സർവ്വകലാശാല വിദ്യാർത്ഥി യൂണിയൻ വർഷം മുഴുവനും വിദ്യാർത്ഥികൾക്ക് പ്രാപ്യവും , കാര്യക്ഷമമായി തുടരുകയും അവരുടെ ആശങ്കകളിൽ സ്ഥിരമായി പ്രവർത്തിക്കുകയും വേണം.”
എബിവിപി സംസ്ഥാന സെക്രട്ടറി സാർത്ഥക് ശർമ്മയുടെ പ്രസ്താവന
“വർഷം മുഴുവൻ തങ്ങൾക്കൊപ്പം തുടരുന്നവരും തിരഞ്ഞെടുപ്പ് സമയത്ത് മാത്രം പ്രത്യക്ഷപ്പെടുന്നവരും തമ്മിലുള്ള വ്യത്യാസം ഡൽഹി സർവകലാശാലയിലെ വിദ്യാർത്ഥികൾക്ക് അറിയാം,”. എബിവിപി വിദ്യാർത്ഥികൾക്കിടയിൽ അഹോരാത്രം പ്രവർത്തിക്കുകയും അവർ നേരിടുന്ന പ്രശ്നങ്ങൾ നിരന്തരം ഉന്നയിക്കുകയും ചെയ്തിട്ടുണ്ട്. സത്യ നികേതൻ സംഭവം സുരക്ഷിതമായ പിജികളുടെയും വിദ്യാർത്ഥികളുടെ താമസ സൗകര്യങ്ങളുടെയും അടിയന്തിര ആവശ്യകത എത്രമാത്രമാണ് എന്ന് വ്യക്തമാക്കിയിട്ടുണ്ട്. ‘ആഖിർ കബ് തക്?’ കാമ്പെയ്നിലൂടെ ഞങ്ങൾ ഈ വിഷയം ഉന്നയിക്കുന്നത് തുടരുകയാണ്. വിദ്യാർത്ഥികളുടെ ആശങ്കകളിലും അവയ്ക്ക് പ്രായോഗിക പരിഹാരങ്ങൾ കണ്ടെത്തുന്നതിലും ഞങ്ങളുടെ കാമ്പെയ്ൻ ശ്രദ്ധ കേന്ദ്രീകരിക്കും.”
