കണ്ണൂർ: പ്രധാനമന്ത്രി നരേന്ദ്രമോദിയുടെ ജന്മദിനത്തോടനുബന്ധിച്ച്കണ്ണൂർ തളിപ്പറമ്പ് രാജരാജേശ്വര ക്ഷേത്രത്തിൽ പ്രത്യേക വഴിപാടുകൾ നടത്തി. അശ്വമേധ നമസ്കാരം, ശ്രീരുദ്ര നമസ്കാരം, പൊന്നിൻകുടം എന്നിവയാണ് പ്രധാനമന്ത്രിയുടെ ജന്മദിനത്തിൽ ക്ഷേത്രത്തിൽ നടത്തിയത്.
പ്രധാനമന്ത്രിയുടെ ജന്മദിനമായ സെപ്റ്റംബർ 17നാണ് പ്രത്യേക വഴിപാടുകൾ നടന്നത്. പ്രധാനമന്ത്രിക്ക് ക്ഷേത്രത്തിലെ ആചാരപരമായ പ്രാർത്ഥനകളും വഴിപാടുകളും അർപ്പിക്കുന്നതിന്റെ ഭാഗമായാണ് ചടങ്ങുകൾ നടത്തിയത്.
തളിപ്പറമ്പ് രാജരാജേശ്വര ക്ഷേത്രത്തിലെ പ്രധാന വഴിപാടുകളിൽ ഉൾപ്പെടുന്നവയാണ് അശ്വമേധ നമസ്കാരം, ശ്രീരുദ്ര നമസ്കാരം, പൊന്നിൻകുടം എന്നിവ. ക്ഷേത്രത്തിന്റെ ഔദ്യോഗിക വിവരങ്ങളിലും ഈ വഴിപാടുകൾ പ്രത്യേകം പട്ടികപ്പെടുത്തിയിട്ടുണ്ട്.
വ്യവസായി മുകേഷ് അംബാനിയുടെ നിർദ്ദേശപ്രകാരമാണ് വഴിപാടുകൾ നടത്തിയതെന്നാണ് ലഭിക്കുന്ന വിവരം. ഇക്കാര്യം സംബന്ധിച്ച് കൂടുതൽ വിശദാംശങ്ങൾ പുറത്തുവന്നിട്ടില്ല.
പ്രധാനമന്ത്രിയുടെ ജന്മദിനത്തോടനുബന്ധിച്ച് ക്ഷേത്രത്തിലെ ഭാരവാഹികളും ജീവനക്കാരും നരേന്ദ്രമോദിക്ക് പ്രത്യേക പിറന്നാൾ ആശംസകളും നേർന്നു.
അതേസമയം, പ്രധാനമന്ത്രി നരേന്ദ്രമോദി തന്റെ ജന്മദിനത്തിൽ രാജ്യത്തിന്റെ വിവിധ ഭാഗങ്ങളിൽ നിന്ന് ലഭിച്ച ആശംസകൾക്കും അനുഗ്രഹങ്ങൾക്കും നന്ദി രേഖപ്പെടുത്തി. ജനങ്ങളുടെ സ്നേഹവും അനുഗ്രഹവും തനിക്ക് കൂടുതൽ ആത്മാർഥതയോടെ രാജ്യസേവനം തുടരാനുള്ള കരുത്ത് നൽകുന്നുവെന്ന് പ്രധാനമന്ത്രി എക്സിലൂടെ പ്രതികരിച്ചു.
കണ്ണൂർ ജില്ലയിലെ തളിപ്പറമ്പിലുള്ള രാജരാജേശ്വര ക്ഷേത്രം കേരളത്തിലെ പ്രധാന ശൈവ തീർഥാടന കേന്ദ്രങ്ങളിലൊന്നാണ്. ക്ഷേത്രത്തിലെ വഴിപാടുകളുടെയും ആചാരങ്ങളുടെയും ഭാഗമായി അശ്വമേധ നമസ്കാരം, ശ്രീരുദ്ര നമസ്കാരം, പൊന്നിൻകുടം തുടങ്ങിയവ നടത്തിവരുന്നു.
