തിരുവനന്തപുരം: കേരള എൻജിഒ സംഘ് സംസ്ഥാന കാര്യാലയത്തിന് നേരെ നടന്നതായി ആരോപിക്കുന്ന ആക്രമണത്തിൽ പ്രതികളെ ഉടൻ അറസ്റ്റ് ചെയ്യണമെന്ന് ആവശ്യപ്പെട്ട് സംഘടനയുടെ നേതൃത്വത്തിൽ പ്രതിഷേധ മാർച്ച് നടത്തി. കന്റോൺമെന്റ് പൊലീസ് സ്റ്റേഷനിലേക്കായിരുന്നു മാർച്ച്.
കോൺഗ്രസ് പ്രകടനത്തിൽ പങ്കെടുത്ത പ്രവർത്തകരാണ് എൻജിഒ സംഘിന്റെ സംസ്ഥാന കാര്യാലയത്തിന് നേരെ ആക്രമണം നടത്തിയത്. സർക്കാർ ജീവനക്കാരുടെ സംഘടനാ ഓഫീസ് തകർത്ത് സംഘർഷം സൃഷ്ടിക്കാനുള്ള ശ്രമമാണ് നടന്നതെന്നും സംഭവത്തിൽ ഉൾപ്പെട്ടവരെ അടിയന്തരമായി അറസ്റ്റ് ചെയ്യണമെന്നും കേരള എൻജിഒ സംഘ് ആവശ്യപ്പെട്ടു.
കന്റോൺമെന്റ് പൊലീസ് സ്റ്റേഷനിലേക്ക് നടത്തിയ പ്രതിഷേധ മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംഘടനാ ഓഫീസിന് നേരെയുണ്ടായ ആക്രമണത്തിൽ പൊലീസ് ശക്തമായ നടപടി സ്വീകരിക്കണമെന്നും കുറ്റക്കാരെ നിയമത്തിന് മുന്നിൽ കൊണ്ടുവരണമെന്നും ജനറൽ സെക്രട്ടറി എസ്. രാജേഷ് ആവശ്യപ്പെട്ടു.
സംസ്ഥാന വൈസ് പ്രസിഡന്റ് പ്രദീപ് പുള്ളിത്തല പ്രതിഷേധ മാർച്ചിന് അധ്യക്ഷത വഹിച്ചു. സംസ്ഥാന സെക്രട്ടറി എസ്. വിനോദ്കുമാർ, ജോയിന്റ് സെക്രട്ടറി പാക്കോട് ബിജു, എക്സിക്യൂട്ടീവ് അംഗം സജീഷ്കുമാർ ബി.കെ.ബി., സംസ്ഥാന കമ്മിറ്റി അംഗം കെ. ജയകുമാർ, സെക്രട്ടേറിയറ്റ് എംപ്ലോയീസ് സംഘ് സംസ്ഥാന പ്രസിഡന്റ് ടി. ഐ. അജയകുമാർ, എൻ.ടി.യു. ജില്ലാ വൈസ് പ്രസിഡന്റ് രവിചന്ദ്രൻ, പെൻഷനേഴ്സ് സംഘ് സംസ്ഥാന സെക്രട്ടറി പി. സുനിൽകുമാർ എന്നിവർ സംസാരിച്ചു.
സംഘടനാ ഓഫീസ് ആക്രമിച്ചതുമായി ബന്ധപ്പെട്ട് പൊലീസ് അടിയന്തരമായി അന്വേഷണം നടത്തി പ്രതികളെ കണ്ടെത്തണമെന്ന ആവശ്യം പ്രതിഷേധത്തിൽ ഉയർന്നു. സർക്കാർ ജീവനക്കാരുടെ സംഘടനയുടെ കാര്യാലയത്തിന് നേരെ നടന്ന ആക്രമണം ഗൗരവമായി കാണണമെന്നും കുറ്റക്കാർക്കെതിരെ നിയമനടപടി സ്വീകരിക്കണമെന്നും നേതാക്കൾ ആവശ്യപ്പെട്ടു.
ജില്ലാ പ്രസിഡന്റ് പി. പ്രസന്നകുമാർ സ്വാഗതവും ജില്ലാ സെക്രട്ടറി വി. ദിലീപ് നന്ദിയും പറഞ്ഞു.
