‘ധൈര്യത്തിന് അഭിനന്ദനം’; പൈലറ്റ് സ്മിത് മച്ചാറുമായി പ്രധാനമന്ത്രി മോദിയുടെ ഫോണ്‍ സംഭാഷണം

ന്യൂഡല്‍ഹി: കോ-പൈലറ്റിന്റെ ആക്രമണത്തെ തുടര്‍ന്ന് പ്രതിസന്ധിയിലായ ദുബായ്‌ടെല്‍ അവീവ് ഫ്‌ലൈദുബായ് വിമാനത്തിലെ 180 പേരുടെ ജീവന്‍ രക്ഷിക്കുന്നതില്‍ നിര്‍ണായക ഇടപെടല്‍ നടത്തിയ ഇന്ത്യന്‍ പൈലറ്റ് ക്യാപ്റ്റന്‍ സ്മിത് മച്ചാറുമായി പ്രധാനമന്ത്രി നരേന്ദ്ര മോദി സംസാരിച്ചു. സംഭവത്തിനിടെ നേരിട്ട അനുഭവങ്ങളും തനിക്ക് ധൈര്യം നല്‍കിയ കാര്യങ്ങളും സ്മിത് മച്ചാര്‍ പ്രധാനമന്ത്രിയുമായി പങ്കുവെച്ചു. പ്രതിസന്ധി ഘട്ടത്തില്‍ കാട്ടിയ ധൈര്യത്തെ പ്രധാനമന്ത്രി അഭിനന്ദിച്ചു. സ്മിത് മച്ചാറിന്റെ വേഗത്തിലുള്ള ആരോഗ്യപ്രാപ്തിക്ക് പ്രധാനമന്ത്രി ആശംസകളും നേര്‍ന്നു.

Don’t miss the latest breaking news and updates! Subscribe to Janam TV’s WhatsApp channel now…

https://whatsapp.com/channel/0029Va4LMqWE50UdrVhraq0y

ദുബായില്‍ നിന്ന് ടെല്‍ അവീവിലേക്ക് പുറപ്പെട്ട ഫ്‌ലൈദുബായ് വിമാനത്തിലാണ് കോ-പൈലറ്റിന്റെ ആക്രമണം റിപ്പോര്‍ട്ട് ചെയ്തത്. സംഭവത്തെ തുടര്‍ന്ന് വിമാനം സുരക്ഷിതമായി നിയന്ത്രിച്ച് യാത്രക്കാരുടെ ജീവന്‍ രക്ഷിക്കുന്നതില്‍ ക്യാപ്റ്റന്‍ സ്മിത് മച്ചാര്‍ നിര്‍ണായക പങ്കുവഹിച്ചതായാണ് റിപ്പോര്‍ട്ടുകള്‍. സംഭവത്തിന് പിന്നാലെ സ്മിത് മച്ചാര്‍ ചികിത്സയില്‍ കഴിയുകയായിരുന്നു. അദ്ദേഹത്തിന്റെ ധൈര്യത്തെ നേരത്തെ തന്നെ വിവിധ തലങ്ങളില്‍ അഭിനന്ദനങ്ങള്‍ ഉയര്‍ന്നിരുന്നു.