പത്തനംതിട്ട: പമ്പാവാലിയില്‍ വന്‍തോതില്‍ ചാരായം വാറ്റാന്‍ തയ്യാറാക്കിയിരുന്ന ഏകദേശം 3,000 ലിറ്റര്‍ കോട എക്‌സൈസ് പിടികൂടി. വടപ്പാറമലയിലെ വനാതിര്‍ത്തിയോട് ചേര്‍ന്ന് പ്രവര്‍ത്തിച്ചിരുന്ന വാറ്റുകേന്ദ്രത്തിലാണ് റാന്നി എക്‌സൈസ് സംഘം പരിശോധന നടത്തിയത്. കോടയ്‌ക്കൊപ്പം ചാരായം വാറ്റുന്നതിനുള്ള ഉപകരണങ്ങളും പിടിച്ചെടുത്തു. വില്‍പ്പന ലക്ഷ്യമിട്ട് വന്‍തോതില്‍ ചാരായം നിര്‍മിക്കാന്‍ സംഘം തയ്യാറെടുക്കുന്നതായി എക്‌സൈസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ എക്‌സൈസ് ഷാഡോ സംഘം രണ്ട് ദിവസമായി വനാതിര്‍ത്തിക്ക് സമീപം നിരീക്ഷണം നടത്തി. തുടര്‍ന്ന് ശനിയാഴ്ച പുലര്‍ച്ചെ വാറ്റുകേന്ദ്രം കണ്ടെത്തി പരിശോധന നടത്തുകയായിരുന്നു.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
പമ്പാവാലി മേഖലയില്‍ മുന്‍വര്‍ഷങ്ങളിലും ചാരായവാറ്റ് കേന്ദ്രങ്ങള്‍ കണ്ടെത്തിയിട്ടുണ്ടെന്ന് എക്‌സൈസ് അധികൃതര്‍ അറിയിച്ചു. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ അരുണിന്റെ നേതൃത്വത്തിലായിരുന്നു പരിശോധന. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഹരിഹരന്‍ ഉണ്ണി, സിവില്‍ എക്‌സൈസ് ഓഫീസര്‍മാരായ എം. അഫ്‌സല്‍, അനൂപ് കുമാര്‍, എസ്. സുരേഷ് കുമാര്‍ എന്നിവരും റെയ്ഡില്‍ പങ്കെടുത്തു.
