മുംബൈ: മുംബൈയിലെ കുര്‍ള വെസ്റ്റില്‍ 13 നിലകളുള്ള താമസക്കെട്ടിടത്തിലുണ്ടായ തീപിടിത്തത്തില്‍ മൂന്ന് കുട്ടികളടക്കം ഒമ്പത് പേര്‍ക്ക് പരുക്ക്. ചൊവ്വാഴ്ച പുലര്‍ച്ചെയാണ് കെട്ടിടത്തിലെ ഇലക്ട്രിക്കല്‍ ഡക്ടില്‍ തീപിടിത്തമുണ്ടായത്. പുക കെട്ടിടത്തിലാകെ വ്യാപിച്ചതോടെ എട്ട് താമസക്കാര്‍ക്ക് ശ്വാസതടസം നേരിട്ടു. മറ്റൊരാള്‍ക്ക് വലതുകാലിന് പരുക്കേറ്റതായും അധികൃതര്‍ അറിയിച്ചു. കുര്‍ള വെസ്റ്റിലെ കോഹിനൂര്‍ എച്ച്ഡിഐഎല്‍ ബില്‍ഡിങ് നമ്പര്‍ അഞ്ചിലാണ് രാവിലെ 6.53ഓടെ തീപിടിത്തമുണ്ടായത്. വിവരമറിഞ്ഞ് സ്ഥലത്തെത്തിയ അഗ്‌നിരക്ഷാസേന രാവിലെ 7.21ഓടെ തീ നിയന്ത്രണവിധേയമാക്കി. പരുക്കേറ്റവരെ രാജാവാടി ആശുപത്രിയില്‍ പ്രവേശിപ്പിച്ചു. ഇവരുടെ ആരോഗ്യനില തൃപ്തികരമാണെന്ന് അധികൃതര്‍ അറിയിച്ചു.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
കെട്ടിടത്തിലെ ഇലക്ട്രിക്കല്‍ ഡക്ടിലാണ് തീപിടിത്തമുണ്ടായത്. തുടര്‍ന്ന് വൈദ്യുത വയറുകളിലൂടെയും ഡക്ടിലെ സംവിധാനങ്ങളിലൂടെയും തീ പടരുകയായിരുന്നു. പുക കെട്ടിടത്തിനുള്ളില്‍ വ്യാപിച്ചതോടെയാണ് എട്ട് പേര്‍ക്ക് ശ്വാസതടസം അനുഭവപ്പെട്ടത്. പരുക്കേറ്റവരില്‍ അഞ്ച് വയസുകാരനും കൗമാരക്കാരായ രണ്ട് പെണ്‍കുട്ടികളും പ്രായമായ ഒരാളും ഉള്‍പ്പെടുന്നു. ഒമ്പത് പേരെയും ഉടന്‍ ആശുപത്രിയിലെത്തിച്ച് ചികിത്സ നല്‍കി. മുംബൈ ഫയര്‍ ബ്രിഗേഡ് നടത്തിയ രക്ഷാപ്രവര്‍ത്തനത്തിലൂടെ ഏകദേശം അരമണിക്കൂറിനുള്ളില്‍ തീ നിയന്ത്രണവിധേയമാക്കി. പൊലീസും വൈദ്യുതി വിതരണ കമ്പനിയിലെ ജീവനക്കാരും 108 ആംബുലന്‍സ് സേവനവും വാര്‍ഡ് അധികൃതരും രക്ഷാപ്രവര്‍ത്തനത്തില്‍ പങ്കെടുത്തു.
