ഇൻഡോർ : ന്യൂസിലൻഡിനെതിരായ ക്രിക്കറ്റ് ടെസ്റ്റിൽ ഇന്ത്യയ്ക്ക് 258 റൺസിന്റെ ഒന്നാം ഇന്നിംഗ്സ് ലീഡ്. ഇന്ത്യയുടെ ഒന്നാം ഇന്നിംഗ്സ് സ്കോറായ 557 റൺസിനെതിരെ മൂന്നാം ദിനം ബാറ്റിംഗ് ആരംഭിച്ച ന്യൂസിലൻഡ് 299 റൺസിന് ഓൾ ഔട്ടായി. 81 റൺസ് വഴങ്ങി ആറു വിക്കറ്റെടുത്ത ആർ.അശ്വിനാണ് കീവിസിന്റെ ബാറ്റിംഗ് നിരയെ തകർത്തത്.
71 റൺസ് എടുത്ത ജിമ്മി നീഷമാണ് കീവിസ് നിരയിലെ ടോപ് സ്കോറർ. മാർട്ടിൻ ഗുപ്റ്റൽ, ടോം ലാഥം എന്നിവർ ന്യൂസിലൻഡിനായി അർദ്ധ സെഞ്ച്വറി നേടി. കീവിസിനെ ഫോളോ ഓൺ ചെയ്യിക്കാതെ രണ്ടാം ഇന്നിംഗ്സ് ബാറ്റിംഗ് ആരംഭിച്ച ഇന്ത്യ മൂന്നാം ദിനം കളി നിർത്തുന്പോൾ വിക്കറ്റ് നഷ്ടം കൂടാതെ 18 റൺസ് എന്ന നിലയിലാണ്.