മെല്ബണ്: 12 പന്തില് അര്ധസെഞ്ചുറി. 2007 ല് യുവരാജ് സിംഗ് കുറിച്ച റെക്കോഡിനൊപ്പം വിന്ഡീസ് താരം ക്രിസ് ഗെയ്ലും. മെല്ബണില് ഓസ്ട്രേലിയന് ബിഗ് ബാഷ് ലീഗില് അഡ്ലെയ്ഡ് സ്ട്രൈക്കേഴ്സിനെതിരായ മത്സരത്തിലാണ് ഗെയ്ല് യുവിയുടെ റെക്കോഡിനൊപ്പം എത്തിയത്.
ഡോക് ലാന്ഡ്സ് സ്റ്റേഡിയത്തില് ആറ് സിക്സറുകളുടെയും ഒരു ഫോറിന്റെയും അകമ്പടിയോടെ ആയിരുന്നു ഗെയ്ലിന്റെ തകര്പ്പന് പ്രകടനം. 2007 ലെ ട്വന്റി-20 ലോകകപ്പില് ഇംഗ്ലണ്ടിനെതിരേ ആയിരുന്നു യുവിയുടെ ഈ പ്രകടനം. 16 പന്തില് 56 റണ്സ് എടുത്ത് ഗെയ്ല് പുറത്തുകുകയും ചെയ്തു.
റെക്കോഡ് പ്രകടനം നടത്തിയെങ്കിലും ഗെയ്ലിന്റെ ടീമായ മെല്ബണ് റെനഗേഡ്സ് മത്സരത്തില് പരാജയപ്പെട്ടു. ആദ്യം ബാറ്റ് ചെയ്ത അഡ്്ലെയ്ഡ് സ്ട്രൈക്കേഴ്സ് 170 റണ്സ് നേടിയിരുന്നു. എന്നാല് മെല്ബണ് റെനഗേഡ്സിന്റെ സ്കോര് 15.3 ഓവറില് 143 റണ്സിലൊതുങ്ങി.
