Sports

ദേശീയ സ്‌കൂള്‍ കായികമേള: ആത്മവിശ്വാസത്തോടെ കേരളം

കോഴിക്കോട്: ദേശീയ സ്‌കൂള്‍ കായിക മേളയ്ക്ക് രണ്ടു ദിവസം മാത്രം ബാക്കി നില്‍ക്കേ തികഞ്ഞ ആത്മവിശ്വാസത്തിലാണ് കേരള ടീം. 106 പേരുടെ സംഘമാണ് തുടര്‍ച്ചയായ 19-ാം ചാമ്പ്യന്‍ഷിപ്പ് ലക്ഷ്യമിട്ട് കോഴിക്കോട് നടക്കുന്ന 61 -ാമത് ദേശീയ സ്‌കൂള്‍ മീറ്റില്‍ മത്സരത്തിനിറങ്ങുന്നത്.

കഴിഞ്ഞ തവണ റാഞ്ചിയില്‍ നേടിയ ചാമ്പ്യന്‍ഷിപ്പ് സ്വന്തം നാട്ടിലും നിലനിര്‍ത്തുകയെന്നതാണ് കേരളത്തിന്റെ ലക്ഷ്യം. ഇതിനായി കഠിന പരിശീലനത്തിലാണ് കുട്ടികള്‍. 51 ആണ്‍കുട്ടികളും 55 പെണ്‍കുട്ടിളും അടക്കം 106 പേരാണ് കേരളത്തിനായി ട്രാക്കിലും ഫീല്‍ഡിലുമായി മിന്നുന്ന പ്രകടനം കാഴ്ചവെയ്ക്കുക.

മെച്ചപ്പെട്ട ഗ്രൗണ്ടില്‍ കേരളടീം മികച്ച പ്രകടനങ്ങള്‍ കാഴ്ചവെയ്ക്കുമെന്നാണ് പരിശീലകരുടെ പ്രതീക്ഷ. കഴിഞ്ഞ തവണ റാഞ്ചിയില്‍ നടന്ന മത്സരത്തില്‍ 36 സ്വര്‍ണമടക്കം 88 മെഡല്‍ സ്വന്തമാക്കിയാണ് കേരളം ചാമ്പ്്യന്‍മാരായത്. ജൂനിയര്‍ ആണ്‍കുട്ടികള്‍ ഒഴിച്ച് മറ്റെല്ലാ വിഭാഗങ്ങളിലും കേരളം ജേതാക്കളായിരുന്നു.

സംസ്ഥാന സ്‌കൂള്‍ കായികമേളയ്ക്ക് വേദിയായ അതേ ഗ്രൗണ്ടില്‍ ദേശീയ മത്സരം എന്നതും കേരളത്തെ സംബന്ധിച്ച് അനുകൂലമാകും.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close