മലപ്പുറം: മലപ്പുറം പാണ്ടിക്കാട് കെഎസ്ആര്ടിസി ബസും ലോറിയും കൂട്ടിയിടിച്ച് രണ്ടുപേര് മരിച്ചു. പതിനഞ്ച് പേര്ക്ക് പരുക്കേറ്റു. ഇവരില് രണ്ടുപേരുടെ നില ഗുരുതരമാണ്. പാണ്ടിക്കാട് ജംഗ്ഷനില് പുലര്ച്ചെ മൂന്നരയോടെയാണ് അപകടമുണ്ടായത്.
പാലായില് നിന്ന് ബാംഗ്ലൂരുവിലേക്ക് പോവുകയായിരുന്ന കെ.എസ് ആര്.ടി.സി ബസ്സും പാലക്കാട്നിന്നും കണ്ണൂരിലേക്ക് കോഴികളുമായി പോവുകയായിരുന്ന ലോറിയുമാണ് കൂട്ടിയിടിച്ചത്. ലോറിയിലുണ്ടായിരുന്ന കണ്ണൂര് സ്വദേശി റമീസ്, മേലാറ്റൂര് സ്വദേശി ഇല്ല്യാസ് എന്നിവര് സംഭവസ്ഥലത്തുതന്നെ മരിച്ചു.
പരുക്കേറ്റ പതിനഞ്ചുപേരെ സ്വകാര്യ ആശുപത്രിയില് പ്രവേശിപ്പിച്ചു. ലോറിയുടെ അമിതവേഗതയാണ് അപകടകാരണമെന്ന് പോലീസ് പറയുന്നു.
