ട്വന്‍റി-20 ലോകകപ്പിൽ നിന്ന് പാകിസ്ഥാൻ പുറത്തായി.നിർണ്ണായക മത്സരത്തിൽ ഓസ്ട്രേലിയയോട് 21 റൺസിനാണ് തോറ്‍റത്.ആദ്യം ബാറ്‍റ് ചെയ്ത ഓസ്‍ട്രേലിയ നിശ്ചിത ഓവറിൽ 4 വിക്കറ്‍റ് നഷ്ടത്തിൽ 193 റൺസെടുത്തു.നായകൻ സ്റ്‍റീവൻ സ്മിത്ത് 61 ഉം ഷെയ്‍ൻ വാട്‍സൺ 44 ഉം റൺസെടുത്തു.194 റൺസ് വിജയ ലക്ഷ്യം പിന്തുടർന്ന പാകിസ്ഥാൻ 172 റൺസിന് പുറത്തായി.ഓസ്ട്രേലിയക്കായി ജെയിംസ് ഫോക്‍നർ അഞ്ച് വിക്കറ്‍റ് വീഴ്‌ത്തി.
അതേസമയം വെസ്റ്‍റീൻഡീസ്, ലോകകപ്പ് 20-20യുടെ സെമിയിൽ കടന്നു. ദക്ഷിണാഫ്രിയ്‌ക്കയെ മൂന്നു വിക്കറ്‍റിന് തകർത്താണ് വെസ്റ്‍റീൻഡീസ് സെമി ബർത്ത് ഉറപ്പിച്ചത്. ദക്ഷിണാഫ്രിക്ക ഉയർത്തിയ 123 റൺസ് വിജയലക്ഷ്യം രണ്ട് പന്തുകൾ ബാക്കി നിൽകേ കരീബിയൻസ് മറികടന്നു. ക്രിസ് ഗെയിൽ തുടക്കത്തിലേ പുറത്തായെങ്കിലും, ജോൺസൺ ചാ‍‍ർലസും, മർലോൺ സാമ്യുൽസും ചേർന്ന് ടീമിനെ വിജയതീരത്ത് എത്തിച്ചു.
ഇന്ന് നടക്കുന്ന ആദ്യ മത്സരത്തിൽ ന്യൂസിലാൻഡ് ബംഗ്ലാദേശിനെ നേരിടും. രണ്ടാം മത്സരത്തിൽ, ഇംഗ്ലണ്ടും ശ്രീലങ്കയും തമ്മിലാണ് പോരാട്ടം. സെമി സാധ്യതകൾ നിലനിർത്താൻ ഇരു ടീമുകൾക്കും ജയം അനിവാര്യമാണ്.
