Special

ജോലിയും സുരക്ഷിതത്വവും നഷ്ടപ്പെട്ട് കശുവണ്ടി തൊഴിലാളികൾ

കൊല്ലം : ഭരണകൂട അവഗണന പെരുമ്പാവൂരില്‍ ദളിത് വിദ്യാര്‍ത്ഥിനിയുടെ ജീവനെടുത്തെങ്കില്‍, അഴിമതി മൂലം സാമ്പത്തിക സുരക്ഷിതത്വവും നിലനില്‍പും അപകടത്തിലായവരാണ് കൊല്ലത്തെ കശുവണ്ടി തൊഴിലാളികള്‍. ദരിദ്ര കുടുംബങ്ങളിലെ ആയിരക്കണക്കിന് സ്ത്രീകളുടെ അന്നത്തിനുള്ള വകയാണ് കോര്‍പ്പറേഷനില്‍ നടന്ന തീവെട്ടി കൊള്ളയിലൂടെ ഇല്ലാതായത്. ഭരണ പ്രതിപക്ഷ ഭേദമന്യേ കോര്‍പ്പറേഷന്‍ ചുമതലയിലിരുന്ന എല്ലാവര്‍ക്കും ഇതില്‍ പങ്കുള്ളതായി തൊഴിലാളികള്‍ വ്യക്തമാക്കുന്നു.

കശുവണ്ടി വ്യവസായത്തിന്റെ തകര്‍ച്ച ഏറ്റവുമധികം ബാധിച്ചത് ആരെയെന്ന് ചോദിച്ചാല്‍ സ്ത്രീകളെയാണെന്ന് നിസ്സംശയം പറയാം. കാരണം കൊല്ലത്തെ പല ദരിദ്ര കുടുംബങ്ങളിലെയും ആയിരക്കണക്കിന് സ്ത്രീകളാണ് ഈ മേഖലയില്‍ പണിയെടുത്തിരുന്നത്. കുടുംബത്തിലെ പുരുഷന്‍മാരെ ആശ്രയിക്കാതെ അന്നന്നത്തെ അന്നത്തിനുള്ള വകയും കുട്ടികളുടെ പഠനം, ചികിത്സ തുടങ്ങി എല്ലാത്തിനുമുള്ളത് ഈ വ്യവസായം നല്‍കിയിരുന്നു. അതിനാല്‍ത്തന്നെ ഭരണ – പ്രതിപക്ഷ ഭേദമില്ലാതെ കശുവണ്ടി കോര്‍പ്പറേഷനില്‍ നടത്തിയ അഴിമതിയിലൂടെ ഇവര്‍ക്ക് നഷ്ടപ്പെട്ടത് സ്വാശ്രയത്വവും സാമ്പത്തിക സുരക്ഷിതത്വവുമൊക്കെയാണ്.

ഒരു കൊല്ലമായി കശുവണ്ടി കോര്‍പ്പറേഷന് കീഴിലെ ഫാക്ടറികളില്‍ പണിയില്ല. പിടിച്ചു നില്‍ക്കാനായി അടുത്തിടെ അനുവദിച്ചുവെന്ന് പറയപ്പെടുന്ന പണം പോലും തൊഴിലാളികളുടെ കൈകളില്‍ എത്തിയിട്ടില്ല. ഇഎസ്‌ഐ അടയ്ക്കാതിരുന്നതോടെ ചികിത്സ പോലും നിഷേധിക്കപ്പെട്ടു. ആയുഷ്‌കാലം മുഴുവന്‍ ഈ മേഖലയില്‍ പണിയെടുത്ത സത്രീകള്‍ പെന്‍ഷന്‍ പോലും ലഭിക്കാതെ ഓട്ടക്കൈയ്യുമായി ജീവിതം തള്ളി നീക്കുകയാണ്. അതേസമയം അഴിമതിക്ക് കാരണക്കാരായവരുടെ വാഗ്ദാനപ്പട്ടികയില്‍ കശുവണ്ടി മേഖല ഇത്തവണയും ഇടം പിടിച്ചിട്ടുണ്ട്.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close