NewsSports

ഫ്രഞ്ച് ഓപ്പൺ മിക്സഡ് ഡബിൾസിൽ ലിയാൻഡർ പെയ്സ്- മാർട്ടിന ഹിംഗിസ് സഖ്യത്തിന് കിരീടം

പാരീസ്: ഫ്രഞ്ച് ഓപ്പൺ മിക്സഡ് ഡബിൾസിൽ ലിയാൻഡർ പെയ്സ്- മാർട്ടിന ഹിംഗിസ് സഖ്യത്തിന് കിരീടം. ഫൈനലിൽ ഇന്ത്യൻ താരം സാനിയ മിർസ- ഇവാൻ ഡോഡിക് സഖ്യത്തെയാണ് ഇവർ പരാജയപ്പെടുത്തിയത്. സ്കോർ. 4-6, 6-4, 10-8

 

സാനിയ മിർസ- ഇവാൻ ഡോഡിക് സഖ്യത്തോട് ആദ്യ സെറ്റ് 4-6ന് കൈവിട്ടശേഷമാണ് പെയ്സ്- മാർട്ടിന സഖ്യം തിരിച്ചുവരവ് നടത്തിയത്. രണ്ടാം സെറ്റ് 6-4ന് പിടിച്ച ഇന്ത്യൻ- സ്വിസ് സഖ്യം കിരീടം സ്വന്തമാക്കി.

 

ടൈ ബ്രേക്കറിൽ 10- 8 സ്കോറിനാണ് ഇന്ത്യൻ- സ്വിസ് സഖ്യം എതിരാളികളെ കീഴടക്കിയത്.  പെയ്സിന്‍റെ കരിയറിലെ പതിനെട്ടാം ഗ്രാന്‍റ് സ്ളാം കിരീടവും പത്താം മിക്സഡ് ഡബിൾസ് കിരീടവുമാണിത്. കളിയുടെ ആദ്യ സെറ്റിൽ മികച്ച പ്രകടനമാണ് സാനിയ- ഡോഡിക് സഖ്യം കാഴ്ച വച്ചത്. ശക്തമായ റിട്ടേണുകളിലൂടെ സാനിയ-ഡോഡിക് സഖ്യം പെയ്സ്- ഹിംഗിസ് സഖ്യത്തെ പ്രതിരോധത്തിലാക്കിയിരുന്നു. വിജയത്തോടെ മിക്സഡ് ഡബിൾസിൽ കരിയർ ഗ്രാന്‍റ് സ്ളാമും പൂർത്തിയാക്കാൻ പെയ്സിനായി. നാല് ഗ്രാന്‍റ് സ്ളാമുകളിലും ജേതാക്കളാകുക എന്ന അപൂർവ്വതയും ഇരുവരും സ്വന്തമാക്കി. സഖ്യം നേരത്തെ ഓസ്ട്രേലിയൻ ഓപ്പൺ, വിമ്പിൾഡൺ,യു.എസ് ഓപ്പൺ മിക്സഡ് ഡബിൾസ് കിരീടങ്ങൾ നേടിയിരുന്നു.

0 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close