കാലിഫോർണിയ : പരാഗ്വയെ ഒന്നിനെതിരെ രണ്ടു ഗോളിന് തകർത്ത് കൊളംബിയ കോപ്പ അമേരിക്ക ഫുട്ബാളിന്റെ ക്വാർട്ടറിൽ കടക്കുന്ന ആദ്യ ടീമായി. കാർലോസ് ബാക്കയിലൂടെ ആദ്യ ഗോൾ നേടിയ കൊളംബിയയ്ക്ക് വേണ്ടി സൂപ്പർ താരം ജെയിംസ് റോഡ്രിഗസ് ആണ് രണ്ടാം ഗോൾ നേടിയത്.
തിരിച്ചുവരവിന് കിണഞ്ഞു പരിശ്രമിച്ച പരാഗ്വയ്ക്ക് വേണ്ടി വിക്ടർ അയാള 71 -)0 മിനുട്ടിൽ ഗോൾ മടക്കി. സമനിലയ്ക്ക് വേണ്ടി അവസാന നിമിഷങ്ങളിൽ കൊളംബിയൻ ഗോൾ മുഖത്തേക്ക് ഇരച്ചു കയറിയെങ്കിലും പരാഗ്വെയ്ക്ക് ലക്ഷ്യം ഭേദിക്കാനായില്ല.
ആദ്യ മത്സരത്തിൽ കൊളംബിയ അമേരിക്കയെ 2-0 ന് തകർത്തിരുന്നു.
