മുൻചാമ്പ്യന്മാരായ യുറുഗ്വായെ അട്ടിമറിച്ച് വെനസ്വേല കോപ്പാ അമേരിക്ക ശതാബ്ദി കപ്പിന്റെ ക്വാർട്ടറിൽ. രണ്ടു കളികളിലും തോറ്റ യുറുഗ്വായ് ക്വാർട്ടർ കാണാതെ പുറത്തായി. ഏക പക്ഷീയമായ ഒരു ഗോളിനാണ് വെനസ്വേലയുടെ ജയം. 36-ാം മിനിറ്റിൽ ശലോമോന് റാന്ഡനാണ് വിജയഗോൾ നേടിയത്.
സൂപ്പർതാരം ലൂയി സുവാരസ് ഇല്ലാതെയിറങ്ങിയ മുൻചാമ്പ്യന്മാർ മികച്ച മുന്നേറ്റങ്ങൾ നടത്തിയെങ്കിലും ഗോൾ മാത്രം ഒഴിഞ്ഞു നിന്നു. അവസാന നിമിഷങ്ങളിൽ ലഭിച്ച അവസരങ്ങൾ എഡിസൻ കവാനി പാഴാക്കുക കൂടി ചെയ്തതോടെ യുറുഗ്വായ്ക്ക് പുറത്തേക്കുള്ള വഴി തുറന്നു.