ഇന്ത്യ-സിംബാബ്വെ രണ്ടാം ട്വന്റി-20 മത്സരം ഇന്ന് ഹരാരെയിൽ നടക്കും. ആദ്യ ട്വന്റി-20യിലെ അപ്രതീക്ഷിത തോൽവിയിൽ നിന്നും മുക്തമാകാത്ത ഇന്ത്യൻ ടീമിന് പരന്പര കൈവിടാതിരിക്കാൻ ജയം അനിവാര്യമാണ്. ഏകദിന പരന്പര തൂത്തുവരിയ ഇന്ത്യൻ യുവനിരയ്ക്ക് ട്വന്റി-20യിലെ ആദ്യ കളിയിൽ ആ മികവ് പുറത്തെടുക്കാനാകാത്തതാണ് തിരിച്ചടിയായത്.
കഴിഞ്ഞ കളിയിൽ അവസരം ലഭിക്കാത്ത പുതുമുഖങ്ങൾ ഇന്ന് ഇറങ്ങിയേക്കും. രണ്ടാം ട്വന്റി-20 ജയിച്ച് പരന്പര സ്വന്തമാക്കാനുറച്ചാകും സിംബാബ്വെ ഇറങ്ങുക. വൈകിട്ട് 4.30നാണ് മത്സരം ആരംഭിക്കുക.
