NewsSports

യൂറോ കപ്പ്: കലാശപ്പോരാട്ടത്തിന് കച്ചമുറുക്കി ടീമുകൾ

യൂറോകപ്പിലെ കലാശക്കളിയിൽ ഇന്ന് ഫ്രാൻസ് – പോർച്ചുഗൽ പോരാട്ടം. യൂറോയിൽ മൂന്നാം കിരീടമാണ് ഫ്രാൻസ് ലക്ഷ്യമിടുന്നത്. എന്നാൽ, ആതിഥേയരെ തോൽപ്പിച്ച് കന്നി കിരീടം ഉയർത്താമെന്ന കണക്കുകൂട്ടലിലാണ് ക്രിസ്റ്റ്യാനോ റൊണാൾഡോയും സംഘവും.

സെമിഫൈനലിൽ ആധികാരിക വിജയം നേടിയെത്തിയ രണ്ട് ടീമുകൾ. സൂപ്പർ താരം അന്‍റോണിയൊ ഗ്രിസ്മന്‍റെ ചിറകിലേറി ആതിഥേയരായ ഫ്രാൻസ്, നായകൻ ക്രിസ്റ്റ്യാനോ റൊണാൾഡൊ മുന്നിൽ നിന്ന് നയിക്കുന്ന പോർച്ചുഗൽ. സ്പാനിഷ് ലീഗിലെ രണ്ട് കരുത്തർ മുഖാമുഖം ഏറ്റുമുട്ടുമ്പോൾ യൂറോയിലെ കലാശപ്പോരാട്ടം തീ പാറുമെന്നുറപ്പ്. ലോകചാമ്പ്യൻമാരായ ജർമ്മനിയെ തകർത്താണ് ആതിഥേയരുടെ ഫൈനൽ പ്രവേശനം. യുവതാരം അന്‍റോണിയൊ ഗ്രിസ്മനാണ് ഫ്രഞ്ചു പടയുടെ തുറുപ്പ്ചീട്ട്.

എന്നാൽ മറുവശത്ത് ടൂർണമെന്‍റിലെ കറുത്ത കുതിരകളായ വെയ്ൽസിനെ തകർത്താണ് പറങ്കിപ്പടയുടെ വരവ്. നിർണ്ണായക മത്സരത്തിൽ ഫോമിലേക്കുയർന്ന നായകൻ ക്രിസ്റ്റ്യാനോ റൊണാൾഡോ തന്നെയാണ് പറങ്കിപടയുടെ കുന്തമുന. ക്രിസ്റ്റ്യാനോയ്ക്കൊപ്പം നാനി, പുത്തൻ താരോദയം റെനാറ്റോ സാഞ്ചസ് എന്നിവർ കൂടി ചേരുമ്പോൾ പോർച്ചുഗീസ് സൈന്യം ശക്തം.

2004 ന് ശേഷം യൂറോകപ്പ് ഫൈനലിൽ എത്തിയ പോർച്ചുഗലും യൂറോകപ്പിലെ മൂന്നാം കിരീടം സ്വന്തം നാട്ടുകാർക്ക് മുന്നിൽ നേടാൻ ഫ്രാൻസും കലാശപ്പോരാട്ടത്തിൽ കൊമ്പുകോർക്കുമ്പോൾ കിരീടത്തിൽ ആര് മുത്തമിടുമെന്നറിയാൻ ഉറ്റുനോക്കുകയാണ് ഫുട്ബോൾ ലോകം.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close