Special

ഇനി ആൻഡ്രോയ്ഡ് പ്രിസ്മയും

ചിത്രകാരന്മാരെ പോലും അത്ഭുതപ്പെടുത്തി മുന്നേറുകയാണ് പ്രിസ്മ എന്ന പിക്ചർ ഫിൽട്ടർ ആപ്പ്. പുറത്തിറങ്ങി ചുരുങ്ങിയ കാലം കൊണ്ട് തന്നെ പത്ത് രാജ്യങ്ങളിൽ ഏറ്റവും കൂടുതൽ ഉപയോഗിക്കുന്ന ആപ്പെന്ന റെക്കോഡും സ്വന്തമാക്കി പ്രിസ്മ.

മൊബൈൽ ഫോണിൽ പകർത്തിയ ഏത് ബോറൻ ഫോട്ടോ വേണമെങ്കിലും ആരും നോക്കിപ്പോവുന്ന മോഡേൺ ആർട്ടാക്കി മാറ്റുന്ന കഴിവാണ് പ്രിസ്മയെ ഏറെ ജനപ്രിയമാക്കിയത്. ആപ്പിളിന്‍റെ ഐഫോൺ ഓപ്പറേറ്റിങ്ങ് സിസ്‍റ്റത്തിൽ മാത്രമാണ് പ്രിസ്മ ഇപ്പോൾ പ്രവർത്തിക്കുന്നത്.ആപ്പിൾ ഐഫോൺ കൈയിലുള്ളവരെല്ലാം സോഷ്യൽ മീഡിയയിൽ പ്രിസ്മ ചിത്രങ്ങൾ പടർത്തുകയാണ്.

ആർട്ടിഫിഷ്യൽ ഇന്‍റലിജൻസും ന്യൂറൽ നെറ്റ് വർക്ക് ഉപയോഗിച്ചാണ് ഇത് സാധ്യമാക്കുന്നത്. അലക്സിമൊയ്സീൻകോവ് എന്ന 25കാരനും നാല് സുഹൃത്തുക്കളും റഷ്യയിൽ നടത്തുന്ന സ്‍റ്റാർട്ട്അപ്പ് സംരംഭമാണ് പ്രിസ്മ വികസിപ്പിച്ചെടുത്തത്. ഉപഭോക്താക്കൾ നൽകുന്ന ഫോട്ടോ പഠിച്ചശേഷം പുതിയതൊന്ന് സൃഷ്ടിക്കുകയാണ് പ്രിസ്മ ചെയ്യുന്നതെന്ന് അലക്സി അഭിപ്രായപ്പെടുന്നു.

ഇംപ്രഷൻ, ഗോത്തിക്, മൊസൈക് തുടങ്ങി 33 ഫിൽട്ടറുകളാണ് പ്രിസ്മയിലുള്ളത്.പ്രിസ്മയുടെ ജനപ്രീതി മുതലെടുത്ത് ആൻ‍ഡ്രോയിഡ് വേർഷൻ എന്ന പേരിൽ പല വ്യാജന്മാരും ഇപ്പോൾ പ്രചരിക്കുന്നുണ്ട്. പക്ഷെ പ്രിസ്മയുടെ ആൻഡ്രോയിഡ് ആപ്പ് വരാനിരിക്കുന്നതേയുള്ളു. ജൂലൈ അവസാനമോ ഓഗസ്റ്റ് ആദ്യമോ ആൻഡ്രോയിഡ് പതിപ്പ് പുറത്തിറങ്ങുമെന്നാണ് പ്രതീക്ഷിക്കുന്നത്.

വൈകാതെ തന്നെ പ്രിസ്മയുടെ വീഡിയോ വേർഷനും പുറത്തിറങ്ങും.

 

5 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close