Special

ഡീസൽ കാർ നിരോധനം : കൈ പൊളളി ടൊയോട്ട :നഷ്ടമായത് 1700 കോടി

ന്യൂഡൽഹി : ഡൽഹിയിലെ ഡീസൽ കാർ നിരോധനത്തിൽ തങ്ങൾക്ക് നഷ്ടമായത് 1700 കോടിയെന്ന് ടൊയോട്ട. കമ്പനിയുടെ ബെസ്റ്റ് സെല്ലർ ആയ ഇന്നോവയുടെ പെട്രോൾ പതിപ്പ് പുറത്തിറക്കവെയാണ് തങ്ങൾക്ക് കൈപൊള്ളിയ വിവരം ടൊയോട്ട പ്രഖ്യാപിച്ചത്.

വലിയ ഡീസൽ കാറുകളുടെ നിരോധനം കമ്പനിയെ പ്രതികൂലമായി ബാധിച്ചു. ഇന്നോവ , ഫോർച്യൂണർ എന്നിവയെല്ലാം കൂടി 8,500 ഓളം യൂണിറ്റുകൾ ഈ കാലയളവിൽ വിൽപ്പന നടന്നേനെയെന്ന് പ്രസ്താവനയിൽ പറയുന്നു.

കഴിഞ്ഞ ഡിസംബറിലാണ് 2 ലിറ്ററിൽ കൂടുതലുള്ള എഞ്ചിനുകൾ ഘടിപ്പിച്ച ഡീസൽ കാറുകളുടെ വിൽപ്പന ഡൽഹിയിൽ നിരോധിച്ചത് . ടൊയോട്ടയേയും മെഴ്സിഡസ് ബെൻസിനേയുമാണ് ഇത് കൂടുതൽ ബാധിച്ചത്. ഈ പ്രശ്നത്തിന് എത്രയും വേഗം പരിഹാരമുണ്ടാകുമെന്നാണ് പ്രതീക്ഷിക്കുന്നതെന്ന് കമ്പനിയുടെ സെയിൽസ് ആൻഡ് മാർക്കറ്റിംഗ് ഡയറക്ടർ എൻ രാജ പറഞ്ഞു.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close