കൊൽക്കത്ത : ന്യൂസിലാൻഡിനെതിരായ രണ്ടാം ടെസ്റ്റിലും ഭാരതത്തിന് വിജയം . ഇതോടെ മൂന്ന് ടെസ്റ്റുകളുടെ പരമ്പര ഭാരതം സ്വന്തമാക്കി . ഈഡൻ ഗാർഡൻസിൽ 178 റൺസിനാണ് ടീം ഇന്ത്യ ന്യൂസിലൻഡിനെ തറപറ്റിച്ചത് .
376 റൺസ് വിജയ ലക്ഷ്യവുമായി ബാറ്റിംഗിനിറങ്ങിയ ന്യൂസിലൻഡ് 197 റൺസിന് എല്ലാവരും പുറത്തായി. 74 റൺസെടുത്ത ലാത്തമിന് മാത്രമാണ് പിടിച്ചു നിൽക്കാൻ കഴിഞ്ഞത്.. 32 റൺസെടുത്ത റോഞ്ചി പൊരുതാൻ ശ്രമിച്ചെങ്കിലും ഇന്ത്യൻ ബൗളിംഗ് അറ്റാക്കിനു മുന്നിൽ മുട്ടുമടക്കുകയായിരുന്നു.
മൊഹമ്മദ് ഷാമി , അസ്വിൻ , ജഡേജ എന്നിവർ മൂന്ന് വിക്കറ്റുകൾ വീതവും ഭുവനേശ്വർ കുമാർ ഒരു വിക്കറ്റും വീഴ്‌ത്തി. ഇന്ത്യ ആദ്യ ഇന്നിംഗ്സിൽ 316 ഉം രണ്ടാം ഇന്നിംഗ്സിൽ 263 ഉം റൺസാണെടുത്തത്. ന്യൂസിലൻഡ് ആദ്യ ഇന്നിംഗ്സിൽ 204 റൺസാണെടുത്തത്.
ടെസ്റ്റ് പരമ്പര നേടിയതോടെ ലോക റാങ്കിംഗിൽ പാകിസ്ഥാനെ പിന്തള്ളി ഭാരതം ഒന്നാമതെത്തി.
