ഇൻഡോർ : ന്യൂസിലൻഡിനെതിരായ മൂന്നാം ക്രിക്കറ്റ് ടെസ്റ്റിൽ ഇന്ത്യ ശക്തമായ നിലയിലേക്ക് . വിരാട് കോലിക്ക് പിന്നാലെ അജിങ്ക്യ രഹാനെയും സെഞ്ച്വറി നേടി . ഒടുവിൽ റിപ്പോർട്ട് കിട്ടുമ്പോൾ ഇന്ത്യ മൂന്ന് വിക്കറ്റിന് 312 റൺസ് എന്ന നിലയിലാണ് .
79 റൺസുമായി ബാറ്റിംഗ് ആരംഭിച്ച രഹാനെ ആത്മവിശ്വാസത്തോടെയാണ് കിവി ബൗളർമാരെ നേരിട്ടത് . രണ്ടാം ദിവസത്തെ പതിനൊന്നാം ഓവറിൽ ബോൾട്ടിനെ ഫൈൻ ലെഗ്ഗിലേക്ക് തിരിച്ചു വിട്ടാണ് കരിയറിലെ എട്ടാം സെഞ്ച്വറി രഹാനെ സ്വന്തമാക്കിയത് . വിരാട് കോലി 124 റൺസോടെ ബാറ്റ് ചെയ്യുന്നു.