ലോകകപ്പ് ഫുട്‍ബോൾ യോഗ്യതാ റൗണ്ടിൽ അർജന്‍റീനയും ബ്രസീലും നേർക്കുനേർ. ഇന്ത്യൻ സമയം
നാളെ പുലർച്ചെ 5.15ന് ബെലോ ഹൊറിസോണ്ടയിലെ മിനെയ്‍റോ സ്റ്റേഡിയത്തിലാണ് മത്സരം.
സൂപ്പർ താരങ്ങളായ നെയ്‍മറും ലയണൽ മെസിയും നേർക്കുനേർ. സോക്കർ ലോകത്തെ ചൂട് പിടിപ്പിക്കുന്ന പോരാട്ടത്തിന് ലാറ്റിനമേരിക്കൻ കരുത്തന്മാർ തയ്യാറെടുത്തു കഴിഞ്ഞു. അതി സമ്മർദ്ധത്തിലാണ് അർജന്‍റീന. ലോകറാങ്കിംഗിൽ ഒന്നാമന്മാരാണെങ്കിലും ലോകകപ്പ് യോഗ്യതാ റൗണ്ടിൽ ടീം ആറാം സ്ഥാനത്താണ്. ഇനിയൊരു തോൽവികൂടി പിണഞ്ഞാൽ റഷ്യ ലോകകപ്പിലേക്കുള്ള ദൂരമേറുമെന്നുമെന്നതിനാൽ രണ്ടും കൽപ്പിച്ചാണ് ആൽബിസെലസ്റ്റികൾ.
മെസിക്കൊപ്പം ഹിഗ്വെയ്നും ഡി മരിയയുമൊക്കെ ബൂട്ടണിയുമ്പോൾ ജയത്തിൽ കുറഞ്ഞതൊന്നും ആരാധകർ പ്രതീക്ഷിക്കുന്നില്ല. എന്നാൽ, ലോകകപ്പിൽ ജർമ്മനിയോട് തോറ്റ് ദുരന്തഭൂമിക്ക് സമാനമായ മിനെയ്‍റോയിൽ പരമ്പരാഗത വൈരികളെ തോൽപ്പിച്ചുള്ള ഉയർത്തെഴുന്നേൽപ്പാണ് കാനറികളുടെ ലക്ഷ്യം.
നെയ്മറിനൊപ്പം ഗബ്രിയേൽ ജീസസ്, ഫിലിപ്പ് കൊട്ടിഞ്ഞോ, റെനാറ്റോ അഗസ്റ്റോ എന്നിവരുടെ ബൂട്ടുകളിലേക്കും മഞ്ഞക്കൂട്ടം ഉറ്റുനോക്കുന്നു.
യോഗ്യതാ റൗണ്ടിലെ മറ്റ് മത്സരങ്ങളിൽ കൊളംബിയ, ചിലിയേയും യുറുഗ്വായ്, ഇക്വഡോറിനേയും നേരിടും.
POST YOUR COMMENTS
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.